રાજકોટ AIIMSની ભરતીમાં મોટા કૌભાંડની આશંકા કરવામાં આવી રહી છે. AIIMS ના પૂર્વ ડિરેક્ટર ડૉ. CDS કટોચનું કારસ્તાન સામે આવ્યું છે. ડૉ. કટોચ ઉપર ભ્રષ્ટ નીતિરીતિ અપનાવવાનો આરોપ લગાવવામાં આવ્યો છે. પોતાના જ દિવ્યાંગ પુત્રને મેડિકલ ફિટ બતાવી AIIMSમાં ક્લાસ 2 અધિકારી બનાવી દીધો છે. ડૉ. કટોચના પુત્ર ભાવેશ કટોચના બન્ને આંખમાં તકલીફ છે.

રાજકોટ AIIMSની ભરતીમાં મોટા કૌભાંડની આશંકા

ભાવેશ કટોચ પાસે ડિસેબીલિટી સર્ટિફિકેટ હોવા છતાં કઈ રીતે મેડિકલ ફિટ બનાવી દીધો?. ભાવેશ કટોચને આંચકી ઉપડતા એઇમ્સમાં દવા લીધી હોય તેવી વિગતો સામે આવી છે. ભાવેશ કટોચ 17 વર્ષથી આંચકીની દવા લેતો હોય તેવી વિગતો સામે આવી છે.ભાવેશ કટોચ પાસે 60 ટકાનું ડિસેબીલિટી સર્ટિફિકેટ હોવા છતાં કઈ રીતે મેડિકલ ફિટ?.પૂર્વ વહીવટી અધિકારી જયદેવ વાળાએ પણ ખોટા ડોક્યુમેન્ટ્સના આધારે પોતાના ભાઈ રણજીત વાળાને નોકરીએ રાખ્યો છે.

પૂર્વ ડિરેક્ટર ડૉ. CDS કટોચનું કારસ્તાન

AIIMS ભરતીમાં મોટા કૌભાંડની આશંકા સેવાઈ રહી છે. AIIMSમાં મોટા ભાગની ભરતી પ્રક્રિયામાં ઘરના ભુવાને ઘરના જ ડાકલા રાખી મોટું કૌભાંડ આચર્યાં હોવાની આશંકા છે.રાજકોટ AIIMSમાં ગેરકાયદે ભરતી કૌભાંડ મામલે સાસંદ પરસોતમ રૂપાલાએ કહ્યું કે આ મામલે ફરિયાદ મળી છે. ફરિયાદના આધારે તપાસના આદેશ આપ્યા છે. AIIMSમાં કોઈપણ ગેરરીતિ ચલાવી નહીં લેવાય, જે પ્રમાણે ભરતી ચાલી રહી છે તે મુદ્દ ચર્ચા કરીશું. ડિરેક્ટર સાથે પણ અમે ચર્ચા કરીશું.

Also Read