નવરાત્રિને હવે થોડા દિવસો બાકી રહ્યા છે. નવરાત્રિ પહેલા રાજ્યમાં ગરબામાં વિધર્મીઓના પ્રવેળશને લઈને વિરોધ અને વિવાદ થઈ રહ્યો છે. આ મામલે જૂનાગઢના મહંત ઈન્દ્રભારતી બાપુનું નિવેદન સામે આવ્યું છે. નવરાત્રિમાં મહંત ઈન્દ્રભારતી બાપુએ યુવાનોને અપીલ કરી છે. દીકરીઓ વિધર્મીઓથી સલામત રહે તેનું ધ્યાન રાખજો અને દાંડિયા ઓછા રમજો પણ દીકરીઓને સલામત રાખજો.નવરાત્રીમાં વિધર્મીઓ ચાંદલા કરીને ગ્રાઉન્ડમાં ઘૂસે છે. ડુપ્લિકેટ આધારકાર્ડથી ઘૂસીને દીકરીઓને ફસાવે છે. જરૂર પડે તો દીકરીઓ માટે માથા આપી દેજો.
મહંત ઈન્દ્રભારતી બાપુ ગણેશ પંડાલમાં હાજર રહ્યા
રાજકોટમાં જૂનાગઢના મહંત ઈન્દ્રભારતી બાપુ આવ્યા હતા. તેઓએ શહેરના અલગ અલગ વિસ્તારોમાં ગણેશ પંડાલમાં આરતી કરી હતી. જે.કે. ચોક કા રાજા ગણપતિ મહોત્સવમાં આરતી કરી મહંત ઈન્દ્રભારતી બાપુએ લોકોને સંબોધન કર્યું હતું. આ દરમિયાન નજીકના દિવસોમાં આવી રહેલી નવરાત્રિના તહેવારને લઈને વિધર્મીઓ અંગે નિવેદન કર્યું હતું.
