Rajkot : રૈયા ચોકડી ખાતે ભર બજારે મહિલા અને પુરૂષ વચ્ચે ફિલ્મી દ્રશ્યો સર્જાયા, વાયરલ થયો Video

રાજકોટમાં અસમાજિકતત્વો પર પોલીસ લગામ લગાવવા પ્રયાસ કરી રહી છે. નાગરિકો પણ હવે અસમાજિકતત્વોને પાછળ પાડી દે તેવા કાંડ કરવા લાગ્યા છે. રાજકોટના રૈયા ચોકડી ખાતે ભર બજારે ફિલ્મી દ્રશ્યો જોવા મળ્યો. રૈયા ચોકડી ખાતે એક મહિલા અને પુરુષ વચ્ચે મારામારીનો ડ્રામા જોવા મળ્યો. આ ઘટના દરમિયાન ત્યાં લોકોનું ટોળું પણ એકઠું થઈ ગયું. રૈયાના બજારમાં મહિલા અને પુરુષના મારામારીનો હાઈવોલ્ટેજ ડ્રામાનો વીડિયો વાયરલ થયો છે.

રૈયાના બજારમાં હાઈવોલ્ટેજ ડ્રામા

રૈયાના બજારમાં આ મહિલા અને પુરુષો વચ્ચેનો હાઈ વોલ્ટેજ ડ્રામા જોવા લોકોના ટોળા ઉમટી પડ્યા હતા અને રોડ વચે ટ્રાફિક જામ પણ થયો હતો. આ વીડિયોમાં દેખાય છે કે બજારની વચ્ચે ત્રણથી ચાર પુરુષ અને એક મહિલા વચ્ચે બબાલ થાય છે.

જેમાં એક લાલ પોશાક પહેરેલ મહિલા એક પુરુષને લાફો મારે છે અને તે નીચે ભોંય ભેગો થઈ જાય છે. ત્યારે અન્ય એક પુરુષ મહિલાને શાંત રહેવા કહે છે, છતાં મહિલા ધોલ..ધપાટનો સિલસિલો ચાલુ રાખે છે. એક મહિલા અને 4 પુરુષોએ એક બીજાને મારામારી કરતા હોવાનો વીડિયો વાયરલ થતા પોલીસે તપાસ હાથ ધરી.

રાજકોટ પોલીસે તપાસ હાથ ધરી

નિર્દોષ નાગરિકોને હેરાન કરનાર બની બેઠેલા લુખાતત્વો સામે પોલીસે લાલ આંખ કરી છે. પોલીસે સંબંધિત ગુના હેઠળ અટકાયત, મિલકત પર કબજો અને ગંભીર ગુનામાં જેલવાસ જેવી લુખાતત્વો સામે કાર્યવાહી કરી રહી છે. શહેરની રૈયા ચોકડી ખાતે એક મહિલા અને અન્ય પુરૂષો વચ્ચે જાહેરમાં મારામારીનો વીડિયો સોશિયલ મીડિયામાં વાયરલ થતા પોલીસ એકશનમાં આવી. સમગ્ર ઘટનાને લઈને રાજકોટ પોલીસે તપાસ હાથ ધરી.