સૌરાષ્ટ્રના સૌથી મોટા એવા રાજકોટના જન્માષ્ટમી લોકમેળાનો પ્રારંભ થઈ ગયો છે. આ વર્ષે મેળાને 'શૌર્યનું સિંદૂર' નામ આપવામાં આવ્યું છે. કૃષિમંત્રી રાઘવજી પટેલના હસ્તે મેળાનું લોકાર્પણ કરવામાં આવ્યું છે. 18 ઓગસ્ટ સુધી ચાલનારા આ લોકમેળામાં મુલાકાતીઓ માટે 34 જેટલી અવનવી મોટી રાઈડ્સ મુખ્ય આકર્ષણનું કેન્દ્ર બની રહેશે. આ મેળામાં માત્ર મનોરંજન જ નહીં, પરંતુ દેશભક્તિ અને શૌર્યનો સંદેશ પણ ગુંજી રહ્યો છે.


સુરક્ષાની અત્યાધુનિક વ્યવસ્થા

મેળામાં આવનારી વિશાળ ભીડને ધ્યાનમાં રાખીને સુરક્ષાની અત્યાધુનિક વ્યવસ્થા ગોઠવવામાં આવી છે. ટ્રાફિક વ્યવસ્થા જાળવવા માટે મેળા તરફ જતા 5 રસ્તા પર 'નો-એન્ટ્રી' જાહેર કરવામાં આવી છે, જ્યારે વાહનોના પાર્કિંગ માટે 14 સ્થળોએ ફ્રી પાર્કિંગની સુવિધા ઉપલબ્ધ કરાવાઈ છે, જ્યાં CCTV થી નજર રાખવામાં આવશે. સુરક્ષા માટે 2 ડીસીપી, 3 એસીપી અને 15 પીઆઈ સહિત 2,000 થી વધુ પોલીસકર્મીઓ તૈનાત રહેશે. આ ઉપરાંત, ભીડ પર નિયંત્રણ રાખવા માટે AI ટેકનોલોજીનો ઉપયોગ પણ કરવામાં આવશે. મેળામાં 16 વોચ ટાવર અને ડ્રોનથી પણ સતત મોનિટરિંગ કરવામાં આવશે.

Also Read

NDRF, SDRF અને ફાયરની ટીમો પણ મેળામાં તૈનાત

કોઈપણ કટોકટીની પરિસ્થિતિને પહોંચી વળવા માટે NDRF, SDRF અને ફાયરની ટીમો પણ મેળામાં તૈનાત રાખવામાં આવી છે. આ વ્યવસ્થાઓ દર્શાવે છે કે આયોજકોએ મનોરંજનની સાથે સાથે મુલાકાતીઓની સુરક્ષાને પણ સર્વોચ્ચ પ્રાધાન્ય આપ્યું છે. રાજકોટનો આ લોકમેળો માત્ર મનોરંજન પૂરતો સીમિત ન રહેતા, સુરક્ષા અને વ્યવસ્થાપનના મામલે પણ એક આદર્શ ઉદાહરણ પૂરું પાડી રહ્યો છે.


  • Follow us on: