Rajkot: શહેરમાં મહિલાનું વાહન ડિટેઇન કરતા મહિલા વિફરી, પોલીસ પર કર્યા આક્ષેપ

રાજકોટ શહેરના હોસ્પિટલ ચોકમાં ટ્રાફિક પોલીસ દ્વારા મહિલાનું વાહન ડિટેઇન કરતા મહિલા વિફરી હતી. મહિલાએ પોલીસ પર આક્ષેપ કર્યો કે પોલીસ ખોટી રીતે હેરાન કરે છે. આ મહિલાનો પોલીસ સાથે માથાકૂટનો વીડિયો વાયરલ થયો છે.

વાહન ડિટેઇન કરવા બાબતે મહિલાની પોલીસ સાથે બબાલ

રાજકોટ શહેર ટ્રાફિક પોલીસ સામે અવાર નવાર લોકોના માથાકૂટના વીડિયો વાયરલ થતા હોય છે. તેવામાં શહેરના ટ્રાફિક વાળા વિસ્તારમાં ટ્રાફિક પોલીસે એક મહિલાનું વાહન ડિટેઇન કરતા મહિલા પોલીસ સામે રણચંડી બની હતી. મહિલા દ્વારા પોલીસ પર આક્ષેપ કરવામાં આવ્યો છે કે પોલીસ અવાર નવાર ખોટી રીતે લોકોને હેરાન કરે છે.

પોલીસ લોકોને હેરાન કરતી હોવાના આક્ષેપ

શહેરમાં ટ્રાફિક સમસ્યાને લઈને અવાર નવાર આવી ઘટનાઓ સામે આવતી હોય છે. શહેરના હોસ્પિટલ ચોકમાં લોકની અવર જવર વધારે થતી હોવાથી શહેર ટ્રાફિક પોલીસ ટ્રાફિક સમસ્યાને હલ કરવાની કામગીરી કરતી હોય છે. તેવામાં આજે વાહન ડિટેઈન કરતા મહિલાએ પોલીસ સાથે બોલાચાલી કરી અને પોલીસ લોકોને હેરાન કરતી હોવાના આક્ષેપ પણ કર્યા હતા.