Rajkot: ક્રિકેટ રમ્યા બાદ યુવક અચાનક ઢળી પડ્યો, જૂનાગઢના ખેડૂત પરિવારના દિકરાનું હાર્ટ એટેકથી મોત

રાજકોટમાં વધુ એક યુવાનનું હાર્ટ એટેકથી મોત થયું હોવાનું સામે આવ્યું છે. 10 ઓગસ્ટના સમરસ હોસ્ટેલના મેદાનમાં ક્રિકેટ રમ્યા બાદ યુવક અચાનક ઢળી પડ્યો હતો. પડતા જૂનાગઢ જિલ્લાના વતની સાત્વિક રામસિંહ સોલંકી (ઉં.વ.22)નું મોત નીપજ્યું છે. આ યુવક થોડા સમયથી રાજકોટમાં રહીને સરકારી નોકરીની તૈયારી કરી રહ્યો હતો.

જકોટમાં વધુ એક યુવાનનું હાર્ટ એટેકથી મોત

ખેડૂત પરિવારના એકના એક દિકરાનું મોત થતા પરિવારમાં શોકનો માહોલ છવાયો છે. સમરસ હોસ્ટેલના મેદાનમાં યુવાનો ક્રિકેટ રમતા હતા. આ પછી અચાનક સાત્વિક રામસિંહ સોલંકી ઢળી પડ્યો હતો. જેને બે ભાન હાલતમાં સારવાર માટે હોસ્પિટલ લઈ જવામાં આવ્યો હતો. જ્યાં ફરજ પરના તબીબે તેને મૃત જાહેર કર્યો હતો.

પરિવારના એકના એક દિકરાનું મોત

આ ઘટના અંગે યુનિવર્સિટી પોલીસને જાણ કરવામાં આવી હતી. પોલીસે મૃતદેહને પોસમોર્ટમ અર્થે ખસેડ્યો હતો. પ્રથમિક તપાસમાં યુવકને હાર્ટ-એટેક આવ્યો હોવાનું સામે આવ્યું હતું. આ ઘટના અંગે પોલીસ દ્વારા યુવકના પરિવારને જાણ કરવામાં આવી હતી. પરિવારને જાણ થતા રાજકોટ દોડી આવ્યા હતા.રાજકોટ શહેરમાં અગાઉ પણ યુવકોને હાર્ટ એટેકથી મોત થયાની ઘટનાઓ સામે આવી છે.