Surat: આંતરરાષ્ટ્રીય સાયબર ગુલામી રેકેટમાં વધુ એક આરોપી ઝડપાયો, લોકોને નોકરીની લાલચ આપી ફસાવતા

સાયબર ક્રાઈમ સેલે સાયબર ગુલામીના આંતરરાષ્ટ્રીય રેકેટનો વધુ એક આરોપી ઝડપાયો છે. અલ્ફાઝ હનીફભાઈ અજીજ મેમનને આણંદ ખાતેથી ઝડપી પાડ્યો છે. અગાઉ ધરપકડ કરાયેલા અન્ય આરોપીઓ સાથે મળીને અલ્ફાઝ ભારતીય નાગરિકોને ગેરકાયદેસર રીતે મ્યાનમાર મોકલવામાં સક્રિય હતો. તે કમિશનના બદલામાં અગાઉ પકડાયેલા આરોપી દાનીશ સુલેમાનભાઈ દાંત્રેલીયા સાથે મળીને ભારતીય નાગરિકોને મ્યાનમાર મોકલતો હતો.

ગુલામીના આંતરરાષ્ટ્રીય રેકેટનો વધુ એક આરોપી ઝડપાયો

તેણે બે ભારતીય નાગરિકોને ગેરકાયદેસર રીતે મ્યાનમાર મોકલ્યા હતા. આ ઉપરાંત લગભગ એક અઠવાડિયા પહેલા તેણે અન્ય ત્રણ ભારતીય નાગરિકોને પણ મ્યાનમાર મોકલવા માટે અમદાવાદ એરપોર્ટથી બેંગકોક રવાના કર્યા હતા. જોકે, આ રેકેટનો પર્દાફાશ થતા અને સમાચાર માધ્યમોમાં જાણ થતા આ ત્રણેય નાગરિકો બેંગકોકથી જ ભારત પરત ફર્યા હતા.

 રેકેટનો પર્દાફાશ થતા ત્રણેય નાગરિકો ભારત પરત ફર્યા

આ રેકેટમાં આરોપીઓ ભારના જુદા જુદા રાજ્યોના લોકોને લાલચ આપી ફસાવતા હતા. આ રીતે વિદેશમાં સારી નોકરીની લાલચો આપીને લોકોને ફસાવતા હતા. અલ્ફાઝ હનીફભાઈ અજીજ મેમનને આણંદ ખાતેથી ઝડપી પાડ્યો છે. વધુ એક આરોપ ઝડપાતા તેમની પાસેથી આંતરરાષ્ટ્રીય રેકેટના વધારે રહસ્યો બહાર આવે તેવી શક્યતાઓ છે.