ગુજરાતમાં નાની ઉંમરના લોકોમાં હાર્ટ એટેકના બનાવો વધુ પ્રમાણમાં સામે આવી રહ્યાં છે. સુરતના કાપોદ્રામાં હાર્ટ એટેકથી એક યુવતીનું મોત નિપજ્યું છે. કોલેજમાં સ્ટેજ પર સ્પીચ આપતી વખતે 24 વર્ષિય યુવતીને અચાનક હાર્ટ એટેક આવ્યો હતો. સમગ્ર ઘટનાના સીસીટીવી પણ સામે આવ્યા છે.
ધારુકા કોલેજમાં 24 વર્ષની યુવતીનું કાર્યક્રમ દરમિયાન મોત
સુરતના કાપોદ્રા વિસ્તારમાં સ્થિત ધારૂકા કોલેજમાં એક કાર્યક્રમ દરમિયાન સ્ટેજ પર જીલ ઠક્કર નામની 24 વર્ષિય યુવતી સ્પીચ આપી રહી હતી. આ દરમિયાન અચાનક તે નીચે પટકાઈ હતી અને બેભાન થઈ ગઈ હતી. ત્યાં હાજર લોકો તેને સારવાર માટે તાત્કાલિક હોસ્પિટલ લઈ ગયા હતાં. જ્યાં ફરજ પરના તબીબે તેને મૃત જાહેર કરી હતી.
