ગુજરાતમાં રોજબરોજ લાંચિયા કર્મચારીઓ અને અધિકારીઓ ઝડપાઈ રહ્યાં છે. સુરતમાં નાયબ કાર્યપાલક ઈજનેરને 50 હજારની લાંચ લેતા ACBએ રંગેહાથે ઝડપી લીધો હતો. તેણે શેડની ડિમોલિશનની પરવાનગી આપવા માટે લાંચ માગી હતી. સુરત ACB પોલીસે નાયબ કાર્યપાલક ઇજનેર પરિમલ ખંડુભાઇ પટેલને લાંચ લેતા ઝડપી પાડ્ચો હતો.
ફરિયાદી પાસે 50 હજાર રૂપિયાની માગ કરી હતી
પ્રાપ્ત વિગતો પ્રમાણે ફરિયાદીને સુરત ભાટપોર GIDCમાં બે પ્લોટ ઔદ્યોગિક હેતુ માટેનાં હોવાથી GIDCના જુના બનેલા શેડનું ડિમોલેશન કરવાનું હતું. જેથી ફરિયાદીએ આ ડિમોલિશન માટેની મંજૂરી માટે કાર્યપાલક ઈજનેરને અરજી કરી હતી. આ બંને પ્લોટના શેડની ડિમોલિશનની પરવાનગી આપવાની કાર્યવાહી માટે આરોપી નાયબ કાર્યપાલક ઈજનેર પરિમલ પટેલે ફરિયાદી પાસે 50 હજાર રૂપિયાની માગ કરી હતી.
