સુરત શહેરમાં રફ્તારના રાક્ષસનો કહેર યથાવત જોવા મળી રહ્યો છે. જહાંગીપુરામાં પૂરપાટ ઝડપે આવી રહેલા કાર ચાલકે બાઇક સવારને મારી ટક્કર હતી. આ અકસ્માતમાં બાઇક સવાર યુવકનું ઘટના સ્થળે જ મોત નિપજ્યું હતું. આ સમગ્ર અકસ્માતની ઘટના સીસીટીવીમાં કેદ થઈ છે. પોલીસે કાર ચાલકની અટકાયત કરી તપાસ હાથ ધરી છે.


સુરત શહેરમાં રફ્તારના રાક્ષસનો કહેર યથાવત

Also Read

જહાંગીપુરા વિસ્તારમાં સ્કોર્પિયો ચાલકે બાઈક સવારને પાછળથી ટક્કર મારી અડફેટે લીધો હોવાની ઘટના સામે આવી છે. આ ઘટનામાં બાઈક સવારનું ઘટના સ્થળે જ મોત નીપજ્યું છે. આ અકસ્માતની સમગ્ર ઘટના CCTVમાં કેદ થઈ છે. આ ઘટનામાં એક વ્યક્તિને ઈજાઓ થતા તેમને સારવાર અર્થે હોસ્પિટલ ખસેડવામાં આવ્યા છે.

જહાંગીપુરામાં સ્કોર્પિયો ચાલકે બાઈકને ટક્કર મારી 

જહાંગીપુરાના કેનાલ રોડ પરથી આ બાઇક ચાલક પસાર થઈ રહ્યા હતા. તે દરમિયાન પાછળથી પૂરપાટ ઝડપે આવી રહેલા સ્કોર્પિયો કાર ચાલકે બાઈકને ટક્કર મારતાં બાઈક સવાર બંને લોકો નીચે પટકાયા હતા. આ ઘટનામાં કારનું ટાયર પાછળ બેઠેલા પરથી ફરી વળતા તેમનું ઘટના સ્થળે જ મોત થયું છે. જહાંગીપુરા પોલીસમાં આ ઘટનાની જાણ થતા કાર ચાલક સામે ગુનો નોંધી તપાસ કરી હતી. પોલીસે સીસીટીવીના આધારે કાર ચાલકની અટકાયત કરીને વધુ તપાસ હાથ ધરી છે.


  • Follow us on: