Tapi: સોનગઢના ગૌમુખ ધોધમાં નાહવા પડેલ ત્રણ મહિલા તણાઈ, એકનો મૃતદેહ મહારાષ્ટ્રની સીમમાંથી મળ્યો

તાપીમાં ધોધમાં નાહવા પડેલી 3 મહિલાઓ તણાઈ હોવાની ઘટના સામે આવી છે. સોનગઢના દૌણ ગામે ગૌમુખના ધોધમાં તણાઈ જવાથી એકનું મોત થયું છે. ઉપરવાસમાંથી પાણીનો પ્રવાહ આવતા 3 મહિલાઓ તણાઈ હતી. ત્રણમાંથી 2 મહિલાઓનો બચાવી લેવામાં આવી છે, જ્યારે એકનું મોત થયું છે. તણાયેલી મહિલાનો મૃતદેહ મહારાષ્ટ્રની સીમમાંથી મળ્યો છે.

ગૌમુખના ધોધમાં ત્રણ મહિલા તણાઈ

સોનગઢ તાલુકાના દૌણ ગામે આવેલ ગૌમુખ ધોધમાં નાહવા પડેલ ત્રણ મહિલા તણાઈ હોવાની ઘટના સામે આવી છે. અચાનક ઉપરવાસ માંથી પાણીનો પ્રવાહ વધી જતા ત્રણ મહિલા તણાઈ હતી. નવસારીના વિજલપોરથી ફરવા આવેલ ત્રણ મહિલા પૈકી બે મહિલાને બચાવાઈ એકનું મોત નિપજ્યું છે. 68 વર્ષીય ભાનુબેન ગોરાસેનો મૃતદેહ મહારાષ્ટ્રની સીમમાંથી મળી આવ્યો છે. મહારાષ્ટ્રની સીમમાંથી મૃતદેહ મળતા નવાપુર પોલીસે કાર્યવાહી હાથ ધરી છે.

ગૌમુખ ધોધમાં એક મહિલાનું મોત 

ગૌમુખ ધોધમાં નાહવા પડેલ ત્રણ મહિલા તણાતા એકનું મોત થયું છે. વિજલપોરથી ફરવા આવેલ ત્રણ મહિલા પૈકી બે મહિલાને બચાવાઈ એકનું મોત નિપજ્યું છે. 68 વર્ષીય ભાનુબેન ગોરાસેનો મૃતદેહ મહારાષ્ટ્રની સીમમાંથી મળી આવ્યો છે. મૃતદેહ મળતા નવાપુર પોલીસે કાર્યવાહી હાથ ધરી છે. પોલીસે મહિલાનો મૃતદેહ પીએમ અર્થે ખસેડી વધુ તપાસ હાથ ધરી છે.