હાલ લોકો જીવના જોખમે ઘણા ન કરવાના કામો કરતા રહે છે. કોઈ રીલના ચક્કરમાં જોખમ ખેડે છે, તો કોઈ ઘરે બેઠા ધારદાર હથિયારો સાથે રમત કરે છે. આવા કિસ્સામાં ઘણીવાર લોકો ઘાયલ થાય છે અથવા તો મોતને ભેટે છે. આવો જ એક કિસ્સો વડોદરામાંથી સામે આવ્યો છે. જ્યાં એક યુવક ચાકુ સાથે રમત કરી રહ્યો હતો. જે દરમિયાન ચાકુ તેની છાતીમાં વાગી જતા તેનું મોત નીપજ્યું હતું.
ચાકુના ચેડા અને યુવકે ગુમાવ્યો જીવ
ઘટનાની મળતી વિગતો અનુસાર, વડોદરા શહેરની ન્યુસમા રોડ નજીક આવેલી રાધિકા પાર્ક સોસાયટીનો રહેવાસી 34 વર્ષીય દત્ત ત્રિવેદીનું મોત છાતીમાં ચાકુ વાગવાના કારણે થયું છે. આ યુવકે થોડા સમય પહેલા ઓનલાઈન ચાકુ મંગાવ્યું હતું. આ ચાકુ જોતા સમયે યુવક ચાકુથી રમત કરી રહ્યો હતો. આ દરમિયાન ચાકુ તેની છાતીમાં ધુસી ગયું હતું. જે કારણે યુવકને સારવાર અર્થે હોસ્પિટલ ખસેડવામાં આવ્યો હતો. હોસ્પિટલના તબીબો દ્વારા તેને મૃત જાહેર કરવામાં આવ્યો હતો.
