Patanમાં દારુડિયાને પોલીસે પકડતા બુટલેગર પર ઢોળ્યો દોષનો ટોપલો, નશેડીનો લવારો

પાટણ પોલીસે દારુડીયાના પકડતા તેણે બુટલેગર પર દોષનો ટોપલો ઢોળ્યો. દારુડિયાએ કહ્યું કે કેમ પોલીસ બુટલેગરને પકડતી નથી. બુટલેગર દારુનું વેચાણ કરે છે ત્યારે જ અમે પી શકીએ છીએ. બુટલેગરોને દારુ વેચવાની સત્તા છે અને એટલે જ તો તેઓ ખુલ્લેઆમ તેનું વેચાણ કરે છે. અને બુટલેગરોને દારુ વેચવાની સત્તા પોલીસ જ આપે છે. બુટલેગરો દારુનો વેપલો કરે છે ત્યારે પોલીસ કેમ ઊંઘે છે. પોલીસ કેમ અમારા જેવા દારુડિયાને પકડે છે દારુનું વેચાણ કરનાર બુટલેગરને કેમ પકડતી નથી.

દારુડિયાએ જણાવી આપવીતી

પાટણ જિલ્લાના સોશીયલ મીડિયામાં દારૂડિયાની દારૂ પીવાની આપવીતી જણાવતો વિડીયો વાયરલ થયો છે. પરંતુ સંદેશ ન્યૂઝ વાયરલ વીડિયોની પુષ્ટિ નથી કરતું. દારુડિયાના વાયરલ વીડિયોમાં તે પોલીસને ખુલાસો કરવાનો બદલે સામે સવાલ કરતા પોતાની દર્દભરી કહાની સંભળાવે છે. ઝડપાયેલ દારુડીયાએ પોતાનું દર્દ ઠાલવતા પોલીસને કહ્યું કે કેમ પોતે દારુ પીએ છે. દારુડિયાએ પોલીસને પોતાની આપવીતિ જણાવતાં કહ્યું કે તે આખો દિવસ કાળી મજૂરી કરી છે. મજૂરી કામમાં બહુ થાક લાગે છે. એટલે આ થાક ઉતારવા હું દારુનો નશો કરું છું. દારુ પીવાથી શરીરને બહુ આરામ મળે છે અને દિવસભરનો થાક ઉતરી જાય છે તેમ દારૂડિયાએ કહ્યું.

દારુડિયાને પોલીસ પકડે છે, તો બુટલેગરની કેમ નથી પકડતી

દારુના નશાની લત પાછળ બુટલેગર જવાબદાર હોવાના ઝડપાયેલ દારુડિયો કહી રહ્યો છે. પોલીસ જ્યારે પણ ગુનેગારો સામે કાર્યવાહી કરે છે ત્યારે હંમેશા તેમની સામે આવા અનેક સવાલ લોકો કરતા હોય છે. અસમાજિક તત્ત્વો સામે રાજ્યભરમાં ચલાવવામાં આવેલ ઝુંબેશમાં પણ પોલીસે જ્યારે તેમના ગેરકાયદે મકાન તોડ્યા ત્યારે પણ કેટલાક લોકો સવાલ કરતા હતા કે ગરીબોના મકાન તોડાય છે પરંતુ કૌભાંડ કરનારા માલેતુજરા કરોડપતિઓ કૌભાંડીઓ સામે કોઈ કાર્યવાહી થતી નથી. આમ, દરેક ગુનેગાર અને ગુનામાં પકડાયેલ શખ્સ પોતાનો બચાવ કરતાં બીજા પર દોષનો ટોપલો ઢોળી પોતાની જવાબદારીમાંથી છટકવા પ્રયાસ કરે છે.