Rajkotમાં ગાજવીજ સાથે વરસાદ વરસ્યો, જનજીવન થયું અસરગ્રસ્ત

રાજકોટ શહેરમાં આજે ભયંકર ગરમી અને બફારાના વચ્ચે વાતાવરણમાં અચાનક પલટો આવ્યો. સાંજના સમયે આકાશમાં ઘનઘોર વાદળો છવાતા અંધારું છવાઈ ગયું હતું અને વીજળીના કડકા ભડકા સાથે વરસાદ તૂટી પડવાની સંભાવના વધી ગઈ. તો રાજકોટના ઘણા વિસ્તારોમાં વરસાદ આવ્ચો હતો. ગાજવીજ સાથે ભારે પવન સાથે વરસાદ વરસી ગયો હતો. જેથી વાતાવરણમાં ઠંડક પ્રસરી જવા પામી હતી.

રાજકોટમાં વરસાદ વરસ્યો 

રાજકોટ શહેરના યાજ્ઞિક રોડ, રેસકોર્સ, કાલાવડ રોડ અને યુનિવર્સિટી રોડ સહિત અનેક વિસ્તારોમાં આકાશ ગોરંભાયું હતું. તો હવામાન વિભાગ દ્વારા ગમે ત્યારે વરસાદ તૂટી પડે તેવી સંભાવનાઓ વ્યક્ત કરવામાં આવી હતી. હવામાન વિભાગની આગાહી મુજબ શહેરમાં વરસાદ પડશે. તેમજ શહેર અને ગ્રામ્ય વિસ્તારોમાં પણ ભારે વરસાદ પડ્યો હતો. જેમાં રોડ રસ્તાઓ પર પાણી ફરી વળ્યા હતા. એ દરમિયાન ગોંડલ ચોકડી તરફથી વરસાદ શરૂ થયો હતો. જેથી શહેરમાં વરસાદી માહોલ સર્જાઈ ગયો.

જનજીવન અસરગ્રસ્ત

રાજકોટના મોટાભાગના વિસ્તારોમાં ગાજવીજ સાથે વરસાદ વરસતા જનજીવન અસરગ્રસ્ત થયું છે. ભારે પવન સાથે વરસાદ થતા રોડ પર ડ્રાઈવિંગ કરી રહેલા વાહન ચાલકોને ભારે હાલાકીનો સામનો કરવો પડ્યો હતો. ભારે પવન ફૂંકાતા લોકોને ઘરમાં જ રહેવાની સૂચના હવામાન વિભાગ દ્વારા આપવામાં આવી છે. જામજોધપુરમાં પણ ભારે પવન સાથે વરસાદ વરસ્યો હતો. જેથી રોડ અને રસ્તાઓ પર પાણી ફરી વળ્યા હતા. તેમજ જોરદાર પવન ફૂંકાયો હતો.