Rajkot: ગોંડલ રોડ પર ટ્રાફિક જામ સર્જાતા વાહનોની લાગી લાંબી કતાર

રાજકોટ શહેરના ગોંડલ રોડ પર આજે ભયાનક ટ્રાફિક જામ સર્જાયો હતો, જેના કારણે હજારો વાહનચાલકો ભારે મુશ્કેલીમાં મુકાયા હતા. રોડ પર ટ્રક, બસો, મોટરકારો જેવા વાહનોની અંદાજે 10 કિમી લાંબી કતારો લાગી ગઈ હતી. આ ગંભીર પરિસ્થિતિમાં પણ સ્થાનિક ટ્રાફિક પોલીસ તેમજ જિલ્લા ટ્રાફિક વિભાગ ટ્રાફિક નિયંત્રણ કરવામાં સદંતર નિષ્ફળ સાબિત થયા છે.

ટ્રાફિકની સમસ્યા સર્જાઈ

મળતી માહિતી મુજબ, એક તરફ ગોંડલ હાઇવે પર રોડ રીપેરીંગનું કામ ચાલી રહ્યું છે.જેના લીધે ટ્રાફિક જામની સમસ્યા જોવા મળી છે. કલાકોથી વાહનચાલકો ટ્રાફિકમાં ફસાયેલા રહ્યા હતા અને તેઓએ તંત્રની કામગીરી સામે તીવ્ર અસંતોષ વ્યક્ત કર્યો છે.વાહનોની કતાર લાગતા વાહનચાલકો ખૂબ જ મુશ્કેલીમાં મૂકાઈ ગયા હતા.તેવામાં ટ્રાફિકની સમસ્યાથી ચક્કાજામ સર્જાયો હતો. વાહનચાલકો સાથે રાહદારીઓને પણ ભારે મુશ્કેલીનો સામનો કરવો પડ્યો હતો.

વાહનચાલકો પરેશાન

ગોંડલ હાઈવે પર રિપેરીંગ કામ ચાલતું હોવાથી ટ્રાફિકની સમસ્યા સર્જાતા ઘણા લોકોને ભારે હાલાકીનો સામનો કરવો પડ્યો હતો. ઉપરાંત લોકોએ હોર્ન વગાડતા ભારે ઘોંઘાટ સર્જાયો હતો. જેના લીધે વાહનચાલકો ખૂબ જ હેરાન પરેશાન થયા હતા. ઉપરાંત ટ્રાફિક દૂર કરવામાં સ્થાનિક ટ્રાફિક પોલીસ અને જિલ્લા ટ્રાફિક પોલીસ સદંતર નિષ્ફળ રહી હતી. પોલીસ ટ્રાફિકને નિયંત્રણમાં લઈ શકી નહોતી જેથી વાહનચાલકોને કલાકો સુધી વાહનોની કતારોમાં ફસાતા હેરાન થવું પડ્યું હતું. તો અગાઉ પણ ગોંડલમાં પણ આવી ટ્રાફિકની સમસ્યાઓ સર્જાઈ હતી.જેના કારણે વાહનચાલકોને હાલાકીનો સામનો કરવો પડ્યો હતો.