Sabarkantha: ઈડર-ખેડબ્રહ્મા હાઈવે પર ગમખ્વાર અકસ્માત, 15થી વધુ લોકો ઘાયલ

સાબરકાંઠાના ઈડર ખેડબ્રહ્મા હાઈવે પર ગોઝારો અકસ્માત સર્જાયો છે. ટ્રક પાછળ જીપ ઘુસી જતા ગમખ્વાર અકસ્માત સર્જાયો છે. જેમાં 15થી વધુ લોકો ઘાયલ થયા હોવાની જાણકારી મળી રહી છે. ટ્રક પાછળ જીપ ઘૂસી જતાં જીપમાં સવાર 15થી વધુ લોકો ઘાયલ થયા છે.

ઈજાગ્રસ્તોને ઇડરની સિવિલ હોસ્પિટલમાં ખસેડાયા

15થી વધુ લોકો ગંભીર રીતે ઘાયલ થતાં હાલમાં તેમને વડાલી તેમજ ઈડર રિફર કરવામાં આવ્યા છે. હાલમાં 108 સહિત પોલીસની ટીમ ઘટના સ્થળે પહોંચી છે અને ગોઝારા અકસ્માતને પગલે સ્ટેટ હાઈવે બંધ કરવામાં આવ્યો છે. જીપમાં 40થી વધુ શ્રમિકો હોવાની પ્રાથમિક માહિતી મળી રહી છે. ઈડર તરફથી મજૂરીકામ પૂર્ણ કરીને પોતાના ઘરે જતા 40 કરતા વધુ મજૂરોને અકસ્માત નડ્યો છે.

ખાનગી વાહનોમાં ઓવરલોડ મુસાફરોથી તંત્ર સામે સવાલો

ત્યારે ફરી એક વખત આવી મોતની સવારી સામે અકસ્માતને લઈ સ્થાનિક તંત્ર સામે સવાલો ઉઠ્યા છે. સાબરકાંઠા જિલ્લામાં દોડતી મોતની સવારીને ગોઝારો અકસ્માત નડ્યો છે અને તેમાં હાલમાં 4 લોકોના મોત થયા છે. જીપ ગાડીમાં 40 કરતાં વધુ મુસાફરો સવાર કરતા હોવાની પ્રાથમિક માહિતી મળી છે.