Surat: આરોપી શિક્ષિકાને લાજપોર જેલમાં મોકલાઈ, ગર્ભપાતનો નિર્ણય લેવો તેના હાથમાં

સુરતમાં 13 વર્ષના વિદ્યાર્થીને ભગાડી ગયેલી શિક્ષિકાની ધરપકડ કરવામાં આવી છે. આ કેસમાં શિક્ષિકાને પાંચ મહિનાનો ગર્ભ હોવાનો ઘટસ્ફોટ થતાં પોલીસ પણ ચોંકી ગઈ હતી. આરોપી શિક્ષિકાને કોર્ટમાં રજૂ કરવામાં આવી હતી. ત્યાર બાદ તેને જ્યુડિશિયલ કસ્ટડીમાં લાજપોર જેલમાં મોકલાઈ હતી. હવે શિક્ષિકાના ગર્ભમાં રહેલા બાળક મુદ્દે પોલીસ પણ મુંઝવણમાં મુકાઈ છે.

વડોદરાની હોટેલમાં પંચનામું કરવામાં આવ્યું

પોલીસનું કહેવું છે કે, બાળકનો ગર્ભપાત કરવો કે નહીં તે આરોપી શિક્ષિકાના હાથમાં છે. શિક્ષિકા પુખ્ત હોવાથી નિર્ણય લેવો તેના હાથમાં છે. આ કેસમાં ડીએનએ પ્રોફાઈલ માટે બંનેના સેમ્પલ પણ લેવાયા છે. વડોદરાની હોટેલમાં પંચનામું કરવામાં આવ્યું છે.પોલીસની તપાસમાં આ બંને વચ્ચે છેલ્લા એક વર્ષથી પ્રેમસંબંધ હોવાનું બહાર આવ્યું હતું.આ શિક્ષિકા સગીરને ત્રણ વર્ષથી અભ્યાસ કરાવી રહી હતી.

લાજપોર સેન્ટ્રલ જેલમાં મોકલવામા આવી

શિક્ષિકા અને સગીર વિદ્યાર્થી વચ્ચે શારીરિક સંબંધ હોવાનું સામે આવતા પોલીસે તેની વિરુદ્ધ બાળકના યૌનશોષણ બદલ પણ કલમનો ઉમેરો કર્યો હતો. પોલીસે આરોપી શિક્ષિકાને કોર્ટમાં રજૂ કરી હતી. ત્યારબાદ તેને લાજપોર સેન્ટ્રલ જેલમાં મોકલવામા આવી હતી.