Surat News: સુરતમાં હિન્દુ નેતા ઉપદેશ રાણાને ધમકી આપનાર મૌલવી ઝડપાયો

• ઉપદેશ રાણાને જાનથી મારી નાખવાની ધમકી સતત મળતી હતી
  
• ગોડાદરા પોલીસ સ્ટેશનમાં નોંધાવી હતી ફરિયાદ
• ઉપદેશ રાણા એ સુરતમાં પોલીસ ફરિયાદ નોંધાવી હતી

સુરત શહેરમાં ઉપદેશ રાણા નામના હિંદુ નેતાને ધમકી આપવાના કેસમાં પોલીસને સફળતા મળી છે. હિંદુ નેતાને પાકિસ્તાન નંબરથી ધમકી આપનાર મૌલવીની ધરપકડ કરી આગળની કાર્યવાહી હાથ ધરવામાં આવી છે. ઉપદેશ રાણાને જાનથી મારી નાખવાની ધમકી આપવાના કોલ આવતા તેને ગોડાદરા પોલીસ સ્ટેશનમાં પોલીસ ફરિયાદ નોંધાવી હતી.

ધમકીને પગલે હિંદુ નેતા ઉપદેશ રાણાને એસ કેટેગરીની સુરક્ષામાં આવી છે. જો કે પોલીસે જે પાકિસ્તાન નંબરથી ધમકી ભર્યા કોલ આવતા તેની સઘન તપાસ કરી તપાસનો રેલો એક મૌલવી સુધી પહોંચતા પોલીસે ફરિયાદના આધારે આરોપી મોહંમદ સોહેલ ઉર્ફે મોલવી અબુબકર ટિમોલની ધરપકડ કરવામાં આવી છે. આ સિવાય એક જાણીતી વ્યકિતને પણ ધમકી આપતા કોલ આવતા હતા. પોલીસ તપાસમાં એ પણ સામે આવ્યું કે નૂપુર શર્માને પણ જાન થી મારી નાખવાની ધમકી આપવાનું કાવતરું ઘડેલું હતું.

હિન્દુ નેતા ઉપદેશ રાણાની હત્યા માટે એક કરોડમાં સોપારી આપી હતી. ધરપકડ કરી હતી. હૈદરાબાદના હિન્દુવાદી નેતા રાજાસિંઘને પણ આપી હતી ધમકી. લોકસભાની ચૂંટણી અને પાકિસ્તાન નંબરથી ફોન આવવાને લઈ પોલીસે પણ આ કેસને ખૂબ ગંભીરતાથી લઈ તપાસનું પગેરું લંબાવ્યું હતું. આરોપી સોહેલ પાકિસ્તાનમાં ડોગર ના સંપર્કમાં હતી.આરોપી સોહેલ નેપાળના શેહનાઝ નામની મહિલાના સંપર્કમાં હતો જો કે પોલીસને પણ સફળતા મળી ગઈ હતી અને કેસને આધારે આગળની તપાસ હાથ ધરી છે.