Surat: ઓલપાડમાં ખેતરમાં કામ કરતી મહિલાનું વીજળી પડવાથી મોત, પરિવારમાં શોકનો માહોલ

હવામાન વિભાગની આગાહી મુજબ ગુજરાતના ઘણા વિસ્તારોમાં હાલ ખૂબ જ વરસાદ વરસી રહ્યો છે. જેના લીધે લોકોને ભારે હાલાકીનો સામનો કરવો પડી રહ્યો છે. તો ક્યાંક વીજળી પડી હોવાની ઘટનાઓ પણ સામે આવી રહી છે. જેમાં લોકોના મોત થયા છે. ગુજરાતમાં ઘણા વિસ્તારોમાં ભારે પવન સાથે કમોસમી વરસાદ ખાબક્યો છે. જેના લીધે જનજીવન પર ખૂબ જ ગંભીર અસર જોવા મળી છે. તો ઘણી જગ્યાએ વીજળી પડવાથી ઘણા લોકોના જીવ પણ ગયા હોવાની ઘટના સામે આવી છે.સુરતના ઓલપાડમાંથી વીજળી પડતા એક મહિલાનું મોત થયાની ઘટના બની છે.

સુરતમાં મહિલાનું મોત

હાલ સુરતના ઘણા વિસ્તારોમાં ગાજવીજ સાથે કમોસમી વરસાદ વરસી રહ્યો છે. જેના લીધે લોકોને ભારે હેરાનગતિનો સામનો કરવો પડી રહ્યો છે. તો કેટલીક જગ્યાઓ પર વીજળી પડવાથી લોકોના જીવ પણ ગયા છે. સુરતના ઓલપાડમાં વહેલી સવારે વીજળીના કડાકા ભડાકા સાથે કમોસમી વરસાદ ખાબકી ગયો હતો.જ્યાં વીજળી પડવાથી એક ખેડૂત મહિલાનું મોત થયું હતું.ઓલપાડના સરસ ગામમાં એક ખેડૂત મહિલા મંજુબેન પટેલ ચાલુ વરસાદે ખેતરમાં કામ કરવા માટે ગયા હતા.ખેતરમાં કામ કરી રહેલા ખેડૂત મહિલા તેમના ખેતરમાં રહેલો ભીંડાનો પાક વાળી રહ્યા હતા.

પરિવારમાં શોકનો માહોલ

પોતાના ખેતરમાં મહિલા ખેડૂત મંજુબેન પટેલ તેમનો ભીંડાનો પાક વાળી રહ્યા હતા. તે સમયે તેમના પર ઓચિંતી વીજળી પડી હતી. જેથી મહિલા ખેડૂત ગંભીર ઈજાગ્રસ્ત થયા હતા. જેથી તેમનું ઘટના સ્થળે જ મોત નિપજ્યું હતું. જ્યારે મહિલાના પરિવારને તેમના મોતની જાણ થતાં પરિવારમાં શોકનો માહોલ સર્જાયો હતો.તો અગાઉ પણ સુરેન્દ્રનગરમાં વીજળી ત્રાટકવાથી 3 લોકોના મોત થયા હતા.