સાબરકાંઠાના વડાલીના ધરોદ ગ્રામ પંચાયતના ઉપ સરપંચ રૂપિયા 16 હજારની લાંચ લેતા એસીબીના હાથે ઝડપાયા છે,ગ્રામ પંચાયક તરફથી પાણીનો ટાંકો અને મજૂર કલ્યાણ કેન્દ્રના મકાનનું બાંધકામ કરવાનું અને મજૂરીકામ કરવાને લઈ લાંચ માગી હતી.


જાણો કેમ માગી લાંચ

આ કામના ફરિયાદીને ગ્રામ પંચાયત તરફથી પાણીનો ટાંકો અને મજુર કલ્યાણ કેન્દ્રના મકાનનું બાંધકામ કરવાનુ મજુરીકામ આપવામાં આવેલ. ફરિયાદીએ ઉપરોક્ત બંને કામો પુરા કરતાં તેનુ મજુરી તથા મટેરીયલ્સનું બીલ મંજુર થયેલ. આ રકમ પૈકી મટેરીયલ્સના બીલ જે તે વેપારીના ખાતામાં તથા મજુરી અને રેતી, કપચી, ઇંટોના મટેરીયલ્સના પૈસા ફરિયાદીના ખાતામાં જમા થયેલ. ઉપરોક્ત કામના નાણાંના પાંચ ટકા મુજબ રકમ આક્ષેપિત નં.૧ ના રૂ. ૬,૦૦૦/- તથા આક્ષેપિત નં.૨ ના રૂ. ૧૦,૦૦૦/- મળી કુલ રૂ. ૧૬,૦૦૦/- ની આક્ષેપીતોએ લાંચની માગણી કરેલ. જે લાંચની રકમ ફરિયાદી આપવા માંગતા ન હોય, એ.સી.બી.નો સંપર્ક કરેલ અને આજરોજ લાંચના છટકા દરમ્યાન આરોપી નં.૧ એ ફરિયાદી સાથે હેતુલક્ષી વાતચીત કરી લાંચની રકમ સ્વીકારી સ્થળ ઉપર પકડાઇ ગયેલ અને આરોપી નં. ૨ હાજર મળી આવેલ નથી.

Also Read

આરોપી:

(૧) લક્ષ્મણભાઇ બધાભાઇ તરાળ,

ઉપ સરપંચ, ધરોદ ગ્રામ પંચાયત, તા.વડાલી, જી.સાબરકાંઠા

(૨) દશરથભાઇ હમીરભાઇ બામણીયા, પ્રજાજન (ધરોદ સરપંચના પતિ) તા.વડાલી જી.સાબરકાંઠા

લાંચની માંગણીની રકમ :

  રૂ. ૧૬૦૦૦/-

લાંચની સ્વીકારેલ રકમ :

  રૂ. ૧૬૦૦૦/-

લાંચની પરત મેળવેલ રકમ:

  રૂ. ૧૬૦૦૦/-

ટ્રેપની તારીખ :

તા.૧૨/૦૩/૨૦૨૫

ટ્રેપનું સ્થળ:

મોજે મેધ થી લક્ષ્મીપુરા જતા રોડ ઉપર, મેધ ગામની સીમમાં તા.વડાલી જી.સાબરકાંઠા

 

  • Follow us on: