Botad: સરકારી અનાજનો ગેરકાયદેસર વેપલો, પુરવઠા વિભાગે પીકઅપ વાહન ઝડપી પાડ્યું

ગરીબ લોકોને સસ્તા ભાવે અનાજ સરકાર આપતી હોય છે. જેથી ગરીબોનું પેટ ભરાઈ શકે. પરંતુ ઘણા લેભાગુ તત્ત્વો સરકારી અનાજનો વેપાર કરે છે. વચેટિયાઓ અનાજનું કાળા બજાર કરી નાખે છે. જેનાથી સરકારી અનાજ ગરીબો સુધી પહોંચતું નથી. ગુજરાતમાં છેલ્લા ઘણા સમયથી સસ્તા અનાજનો બેફામ વેપાર ધમધમી રહ્યો છે. ત્યારે પોલીસ રેડ પાડીને સસ્તા અનાજનો વેપાર ઝડપી લે છે. ત્યારે બોટાદમાંથી સરકારી અનાજ ભરેલું પીકઅપ વાહન ઝડપાયું હતું

સરકારી અનાજનો વેપાર

મળતી માહિતી મુજબ બોટાદમાં ગેરકાયદેસર ધમધમતા સરકારી અનાજના વેપારની પોલ ખુલ્લી પડી છે. ગુજરાતમાં ગેરકાયદેસર સરકારી અનાજનો વેપાર ધમધમતો જોવા મળ્યો છે. બોટાદના હરણ કુઈ વિસ્તારમાં ગેરકાયદેસર સરકારી અનાજ ભરેલું પીકઅપ જિલ્લા પુરવઠા વિભાગે ઝડપી પાડ્યું હતું. જે યુટીલિટી વાહનને જિલ્લા પુરવઠા વિભાગે સરકારી અનાજના ગોડાઉનમાં મૂકાવી દીધું હતું. બોટાદમાં અગાઉ પણ ખાનગી ગોડાઉનમાં સરકારી અનાજનો કાળો કારોબાર ચાલી રહ્યો હોવાની ઘણી ફરિયાદો મળેલી છે.

તાત્કાલિક ધોરણે કાર્યવાહી

જિલ્લા પુરવઠા વિભાગે અનાજના જથ્થાને જપ્ત કરીને તાત્કાલિક ધોરણે કાર્યવાહી કરી છે. જોકે, વારંવાર પકડાતા સરકારી અનાજ ભરેલા વાહનો કેટલા ડીટેન કર્યા? કેટલો અનાજનો જથ્થો સીઝ કર્યો? કેટલા ખાનગી ગોડાઉન પર સીલ માર્યા. જેવી માહિતી મળતી નથી. ત્યારે શું આ સરકારી બાબુઓ દ્વારા અનાજ પકડવાનું નાટક માત્ર દેખાડા પૂરતું કે નક્કર કાર્યવાહી તે અંગે સવાલો ઊઠે છે.? ત્યારે કડી અને વિજાપુરમાંથી શંકાસ્પદ અનાજનો જથ્થો ઝડપાયો હતો. જે મામલે અનાજ સીઝ કરીને આરોપીઓ સામે કાર્યવાહી હાથ ધરવામાં આવી હતી.