Gondalમાં ગાજવીજ અને પવન સાથે વરસાદ, વાતાવરણમાં પ્રસરી ઠંડક

ગુજરાતના ઘણા ભાગોમાં ભારે પવન સાથે ધોધમાર વરસાદ વરસી ગયો છે. પવનના સુસવાટા સાથે વરસાદ વરસતા લોકોએ ગરમીમાંથી રાહત અનુભવી છે. તો ગોંડલમાં ગાજવીજ અને પવન સાથે વરસાદ વરસ્યો હતો. ગોંડલમાં અસહ્ય ગરમી અને ઉકળાટથી લોકો ત્રાસી ગયા હતા. જ્યારે વરસાદ વરસી જતા લોકોએ ઠંડકનો અનુભવ કર્યો હતો.વરસાદમાં નાના બાળકોએ બહાર રમીને વરસાદને વધાવી લીધો હતો.

ગોંડલમાં મેઘરાજાનું આગમન થયું

ગોંડલમાં ભીમ અગિયારસના સુકન સાથે મેઘરાજાનું આગમન થયું હતું. અસહ્ય ગરમી વચ્ચે વરસાદ વરસતા વાતાવરણમાં ઠંડકનો માહોલ ફેલાઈ ગયો હતો. તો ગાજવીજ અને પવન સાથે વરસાદનું આગમન થયું હતું. શુકનવંતા વરસાદના આગમન સાથે લોકો ખુશખુશાલ થઈ ગયા હતા.શહેરના રાજમાર્ગો પણ પાણી પાણી થઈ ગયા હતા. વરસાદી પાણી રોડ-રસ્તા પર ફરી વળતા વાહનચાલકોને વાહન ચલાવવામાં થોડી મુશ્કેલી અનુભવાઈ હતી.

વરસાદને લઈને ખેડૂતોમાં ખુશી

મોસમના પ્રથમ વરસાદને લઈને ખેડૂતો ખુશખુશાલ થઈ ગયા હતા. તો ગુજરાતના કેટલાક ભાગોમાં વરસાદે તારાજી સર્જી છે. ગુજરાતમાં ઉનાળુ પાક જેવા કે, કેરી, ડાંગર જેવા પાકોને નુકસાન થતા ખેડૂતો પર આર્થિક સંકટ આવી ગયું હતું. વરસાદના લીધે પાકનો નાશ થતા ખેડૂતો ચિંતામાં મૂકાયા હતા. ખેડૂતોએ વરસાદના લીધે થતા પાકના નુકસાનનું વળતર સરકાર પાસે માંગ્યું છે.