વડોદરા શહેરમાં લોકોને બેવડી ઋતુનો અનુભવ થઈ રહ્યો છે. તેવામાં પાલિકાના આરોગ્ય વિભાગ દ્વારા સર્વે કરવામાં આવ્યો હતો. આ સર્વેમાં શહેરના જુદા જુદા ત્રણ વિસ્તારોમાંથી એક હજારથી વધુ તાવના કેસો અને ઝાડાના 69 કેસો મળી આવ્યા હતા.
વડોદરા મહાનગરપાલિકના આરોગ્ય વિભાગ દ્વારા શહેરના ત્રણ વિસ્તાર શીયબાગ, ગોરવા અને એકતાનગરમાં સર્વે કરવામાં આવ્યો હતો. જે સર્વેમાં 1,000થી વધુ તાવના કેસો મળી આવ્યા છે. વડોદરામાં લોકોને બેવડી ઋતુનો અનુભવ થઈ રહ્યો છે. વહેલી સવારે અને મોડી સાંજે ઠંડીનો અને દિવસ દરમિયાન ગરમીનો અનુભવ થઈ રહ્યો છે. ત્યારે, આરોગ્ય વિભાગે કરેલા સર્વેમાં ત્રણ વિસ્તારોમાંથી સૌથી વધુ 1,019 તાવના કેસો મળી આવ્યા છે, સાથે ઝાડાના 69 કેસો મળી આવ્યા હતા.
