વડોદરાના કારેલીબાગ વિસ્તારમાં કુરિયરની દુકાનમાં ચાલતા જુગારગામ પર પોલીસે દરોડો પાડી 8 જણાને ઝડપી પાડ્યા હતા. ઉત્કર્ષ પેટ્રોલ પંપ પાસે આવેલા બીએચ કોમ્પ્લેક્સમાં દેશ વદેશ કુરિયર નામની દુકાનમાં જુગાર રમાડવામાં આવી રહ્યો હોવાની વિગતો મળતા કારેલીબાગ પોલીસે દરોડો પાડ્યો હતો.
પોલીસે જુગાર રમાડતા સૂત્રધાર પ્રમોદ ઉર્ફે પીન્ટુ હસમુખભાઈ રાણા (કારેલીબાગ,આનંદ નગર) સહિત 8 જણાને ઝડપી પાડી રોકડા રૂ 1.18 લાખ, રાજુ દેસાઈની થાર કાર, બે ટુ-વ્હીલર સાત મોબાઈલ સહિત કુલ 14 લાખ ઉપરાંતને મુદ્દામાલ કબજે કરીને આગળની કાર્યવાહી હાથ ધરી છે.
