Vadodara: ગોત્રીના ઈસ્કોન હાઈટ બિલ્ડીંગની દિવાલ ધરાશાયી, બે ગાડીઓના કાચ તુટ્યા

• ગોત્રીના ઈસ્કોન હાઈટ બિલ્ડીંગની દિવાલ ધરાશાયી
  
  
• તૂટેલી દિવાલનો એક ભાગ બે ગાડીઓ પર પડતા ભારે નુકસાન
• ઘટના બાદ આસપાસના લોકો સ્થળ પર ભેગા થઈ ગયા

વડોદરામાં શહેરમાં વરસાદને આગમન કરી લીધુ છે. ત્યારે લોકોને અસહ્ય ગરમીથી છુટકારો મળ્યો છે અને વાતાવરણમાં ઠંડક પ્રસરી છે. ત્યારે શહેરના ગોત્રી વિસ્તારના ઈસ્કોન હાઈટ બિલ્ડીંગની દિવાલ વરસતા વરસાદમાં ધરાશાયી થઈ હતી અને તૂટેલી દિવાલનો એક ભાગ રોડ પર પાર્ક કરેલી બે ગાડી ઉપર પડ્યો હતો.

દિવાલ ધરાશાયી થતાં બે ગાડીઓના કાચ તુટ્યા

ઈસ્કોન હાઈટ બિલ્ડીંગની દિવાલ ધરાશાયી થવાના કારણે બંને ગાડીઓના કાચ તુટ્યા હતા અને ગાડીઓને ભારે નુકસાન થયું હતું. ત્યારે દિવાલ પડવાની ઘટનાને પગલે મોટી સંખ્યામાં આસપાસના લોકો સ્થળ પર ભેગા થઈ ગયા હતા. ઉલ્લેખનીય છે કે આ ઘટનામાં કોઈ જાનહાનીનો બનાવ બન્યો ન હતો. તમને જણાવી દઈએ કે સમગ્ર ગુજરાત સહિત વડોદરામાં શહેરમાં પણ હવામાન વિભાગની આગાહી મુજબ વરસાદ વરસ્યો છે અને શહેરના ઘણા વિસ્તારોમાં પાણી ભરાયા છે.

આજે સવારથી જ શહેરના અનેક વિસ્તારમાં વરસાદ

વડોદરા શહેરના વાતાવરણમાં આજે સવારથી જ પલટો આવ્યો છે અને 45થી 48 ડિગ્રી ગરમી સહન કર્યા બાદ કાળા ડિબાગ વાદળો સાથે મેઘરાજાનું આગમન થયું છે. વડોદરા શહેરના સયાજીગંજ, નવા યાર્ડ, કાલાઘોડા સર્કલ, પ્રતાપ ગંજ, રાવપુરા સહિતના વિસ્તારોમાં વરસાદ વરસ્યો છે. શહેરમાં પવન સાથે વરસાદનું આગમન થયું છે.