રમતગમત ક્ષેત્રે બનાસકાંઠા જિલ્લો સતત આગળ વધી રહ્યો છે. પાલનપુરના વિક્રમભાઈ વજેરામભાઈ ઠક્કર (એન.એન.એમ.બ્લોક કો-ઓર્ડિનેટર, આઇ.સી.ડી.એસ. ઘટક, પાલનપુર-૪)એ રાજ્ય કક્ષાની “સ્પેશિયલ ખેલ મહાકુંભ ૩.૦” ની સ્પર્ધામાં વ્હીલચેર હર્ડલ રમતમાં ગોલ્ડ મેડલ મેળવીને સમગ્ર બનાસકાંઠા જિલ્લાનું નામ રોશન કર્યું છે.


રમતગમતની પ્રવૃત્તિઓને વધુ પ્રોત્સાહન મળી રહેશે

આ સ્પર્ધાનું આયોજન રમતગમત, યુવક અને સાંસ્કૃતિક પ્રવૃત્તિઓ વિભાગ, ગાંધીનગર, સ્પોર્ટસ ઓથોરીટી ઓફ ગુજરાત તથા પેરા સ્પોર્ટસ એસોસિએશન ઓફ ગુજરાત દ્વારા નડિયાદના અંબુભાઈ પુરાણી રમત સંકુલ, મરીડા ભાગોળ ખાતે કરાયું હતું. સ્પર્ધામાં સમગ્ર રાજ્યમાંથી ખેલાડીઓએ ભાગ લઈ તેમના કૌશલ્ય અને આત્મવિશ્વાસનું પ્રદર્શન કર્યું હતું. વિક્રમભાઈ ઠક્કરે પોતાની અથાગ મહેનત અને અસાધારણ ઇચ્છાશક્તિથી આગળ વધીને પ્રથમ સ્થાન મેળવી તેઓ બીજાઓ માટે પ્રેરણાસ્ત્રોતરૂપ બન્યા છે. તેમના આ વિજયથી દિવ્યાંગ લોકો માટેની રમતગમતની પ્રવૃત્તિઓને વધુ પ્રોત્સાહન મળી રહેશે.

Also Read

 

  • Follow us on: