ગુજરાતમાં હવે કાળઝાળ ગરમીના દિવસો આવી ગયા છે. રાજ્યના અનેક જિલ્લાઓને સિવિયર હિટવેવના કારણે એલર્ટ અપાયું છે. તો કેટલાક જિલ્લાઓને ઓરેન્જ એલર્ટ આપવામાં આવ્યું છે. લઘુત્તમ તાપમાન વધતા રેડ એલર્ટ પર આગાહી પહોંચી ગઈ છે. આજે અમદાવાદ સહિત કેટલાક શહેરોને રેડ એલર્ટ અપાયું છે. જેમાં કચ્છ, ગાંધીનગર,સુરેન્દ્રનગર, જૂનાગઢ, પોરબંદર, મોરબી, રાજકોટ, સુરત માટે કડક ચેતવણી છે.
ઉનાળાના પ્રારંભિક સમયે જ સુરેન્દ્રનગર જિલ્લાનું તાપમાન 42 ડીગ્રી નજીક પહોંચી ગયું છે. કાળઝાળ ગરમીને લઇ સુરેન્દ્રનગરમાં રેડ એલર્ટ જાહેર કરવામાં આવ્યું છે. હિટ વેવને લઇ સુરેન્દ્રનગર જિલ્લા કલેક્ટર રાજેન્દ્રકુમાર પટેલે જનતાને અપીલ કરતા કહ્યું હતું કે, બપોરના સમયે બીન જરુરી કામ વગર ન નીકળે, આગામી સમયમાં જરુર પડેતો કામકાજના સમયમા ફેરફાર કરાશે જેથી પ્રજાને બપોરે હેરાન ન થવુ પડે. ગરમીને લયને ભીડભાડ વાળી જગ્યાઓ પર પાણીની અને બેસવાની તેમજ છાયડાની વ્યવસ્થા કરાશે. આકરા તાપથી સુરેન્દ્રનગર જિલ્લાની જનતા ત્રસ્ત થઇ ગઇ છે.
