હજુ પણ રાજ્યમાં ઠંડીનો કોઈપણ અણસાર નહીં હવામાન વિભાગની આગાહી આગામી સાત દિવસ સુધી રાજ્યમાં વાતાવરણ શુષ્ક રહેવાની આગાહી આપવામાં આવી છે. પાંચ દિવસ સુધી તાપમાનમાં કોઈપણ પ્રકારનો ફેરફાર નહીં જોવા મળે કારણ કે હાલ પવનની જે દિશા છે તે ઉત્તરથી ઉત્તર પૂર્વ તરફ પવન ફૂંકાઈ રહ્યા છે. રાજ્યમાં તાપમાન ઘટવાની શરૂઆત થઇ ગઇ છે.
હવામાન વિભાગની આગાહી મુજબ, રાજ્યમાં તાપમાન ઘટવાની શરૂઆત થઇ ગઇ છે હવે શિયાળા તરફ વાતાવરણનું આગમન થઇ રહ્યું છે. રાજ્યમાં તાપમાનમાં 1 ડિગ્રી જેટલો ઘટાડો જોવા મળ્યો હતો. સૌથી વધુ તાપમાન રાજકોટમાં 37 ડિગ્રી નોંધાયું છે. નલિયા, કેશોદમાં સૌથી ઓછું 18 ડિગ્રી તાપમાન નોંધાયું, જ્યારે અમદાવાદમાં મહત્તમ તાપમાન 35.5 ડિગ્રી નોંધાયું છે. અમદાવાદમાં લઘુત્તમ તાપમાન 20.0 ડિગ્રી નોંધાયું, ગાંધીનગરમાં મહત્તમ તાપમાન 35.4 ડિગ્રી નોંધાયું છે. ગાંધીનગરમાં લઘુત્તમ તાપમાન 19 ડિગ્રી નોંધાયું હતું. નલિયામાં મહત્તમ 35.2, લઘુતમ 18 ડિગ્રી તાપમાન જ્યારે અમરેલીમાં મહત્તમ 34.4, લઘુતમ 17.2 ડિગ્રી તાપમાન નોંધાયું છે. સુરતમાં મહત્તમ 34.6, લઘુતમ 21.8 ડિગ્રી તાપમાન, કેશોદમાં મહત્તમ 34.8, લઘુતમ તાપમાન 18 ડિગ્રી નોંધાયું છે.
