Gujaratમાં વિવિધ સરકારી યોજનાઓ માટે E-KYC શા માટે જરૂરી, વાંચો Inside Story

જિલ્લા પુરવઠા અધિકારીની એક અખબારી યાદીમાં જણાવ્યા પ્રમાણે, ભારત સરકાર દ્વારા લાભાર્થીઓની ઓળખ માટે રેશનકાર્ડને આધાર નંબર સાથે સીડ કરી સાચા અને તે જ વ્યક્તિના આધાર નંબરો સીડ થાય તે માટે ૧૦૦ ટકા e-kyc કરવા જણાવ્યું છે. સરકારની વિવિધ કલ્યાણકારી યોજનાઓમાં મળતા લાભો તથા ડી.બી.ટી. સહાયમાં પારદર્શિતા લાવવા માટે e-kyc ખૂબ જ જરૂરી છે. આથી સુરેન્દ્રનગર જિલ્લાની જાહેર જનતાને જિલ્લા વહીવટી તંત્ર દ્વારા વહેલામાં વહેલી તકે પોતાનું e-kyc અવશ્યપણે કરાવવા નમ્ર અપીલ કરવામાં આવી છે.

e-kyc કરાવવા માટે

રેશનકાર્ડ ધારક ઘરે બેઠા “my Ration” મોબાઇલ એપ્લિકેશન વડે ફેસ ઓથેન્ટિકેશન દ્વારા e-kyc કરાવી શકે છે. રેશનકાર્ડ ધારક ગ્રામ્ય કક્ષાએ ઈ-ગ્રામ કેન્દ્ર ખાતે જઈ VCE મારફત આધાર બાયોમેટ્રિક ઓથેન્ટીકેશન દ્વારા e-kyc કરાવી શકે છે. રેશનકાર્ડ ધારક તાલુકા કક્ષાએ તાલુકા મામલતદાર ઓફિસ / ઝોનલ કચેરી, નગરપાલિકા ખાતે જઈ પુરવઠા શાખાનો સંપર્ક કરી PDS+ એપ્લિકેશન મારફતે પોતાનું e-kyc કરાવી શકે છે.

અફવાઓથી રહો દૂર

આ ઉપરાંત રેશનકાર્ડ ધારક પોતાના વિસ્તારની સરકાર માન્ય વ્યાજબી ભાવની દુકાન ખાતે જઈને PDS+ એપ્લિકેશન મારફતે પોતાનું e-kyc કરાવી શકે છે. તમામ સરકારી શાળાઓમાં ભણતા વિદ્યાર્થીઓના e-kyc કરવા માટે આચાર્યશ્રીઓ મારફતે PDS+ એપ્લિકેશનના માધ્યમથી પોતાના બાળકોનું e-kyc કરાવી શકો છો.સુરેન્દ્રનગર જિલ્લાની જાહેર જનતાને જિલ્લા વહીવટી તંત્ર દ્વારા વહેલામાં વહેલી તકે પોતાનું e-kyc અવશ્યપણે કરાવવા નમ્ર અપીલ કરવામાં આવી છે. વિવિધ પ્રચાર માધ્યમોમાં ફેલાતી ખોટી ભ્રામક માહિતીઓ અને અફવાઓથી દૂર રહેવા પણ જણાવવામાં આવ્યું છે.