ધોરાજીમાં હિટ એન્ડ રનમાં એક મોત, ઘરે જતી મહિલાને કાર ચાલકે કચડી

• ઈકો ચાલકે 42 વર્ષીય મહિલાને અડફેટે લીધી
  
• મૃતદેહને પોસ્ટમોર્ટમ માટે હોસ્પિટલ ખસેડાયો
• સમગ્ર મામલે પોલીસે વધુ તપાસ હાથ ધરી

ધોરાજીમાં હિટ એન્ડ રનમાં મહિલાનું મોત થયુ છે. જેમાં ઈકો ચાલકે 42 વર્ષીય મહિલાને અડફેટે લીધી હતી. મૃતદેહને પોસ્ટમોર્ટમ માટે હોસ્પિટલ ખસેડાયો છે. તેમજ સમગ્ર મામલે પોલીસે વધુ તપાસ હાથ ધરી છે.

ઘર તરફ પરત ફળતી વેળાએ આ અકસ્માતનો બનાવ બન્યો

રાજકોટ જિલ્લાના ધોરાજીમા હીટ એન રનનો બનાવ બન્યો છે. જેમાં એક મહિલાનુ મોત થયુ છે. ધોરાજીના ઉપલેટા નેશનલ હાઈવે ITIની સામે ઈકોકારની હડફેટે આવતા આશરે 42 વર્ષીય મહિલાનું મોત થયુ છે. ધોરાજીના મહાલક્ષ્મી કોમ્પ્લેક્ષમા રહેતા સોનલ બેન ગંગાજાળીયા ઉંમર વર્ષ અંદાજે 42 નામની મહિલા મોડી રાત્રીએ હોટલમા રસોઈનું કામ કરી ચાલતા આવતા હતા. અને પોતાના ઘર તરફ પરત ફળતી વેળાએ આ અકસ્માતનો બનાવ બન્યો હતો.

મૃતક મહિલાનો મૃતદેહ પીએમ માટે ધોરાજી સરકારી હોસ્પિટલમાં ખસેડાયો

મૃતક મહિલાનો મૃતદેહ પીએમ માટે ધોરાજી સરકારી હોસ્પિટલમાં ખસેડાયો છે. જેમાં હાલ વધુ તપાસ ધોરાજી પોલીસ કરીને આગળની કાર્યવાહી કરી રહી છે. થોડા મહિના પહેલા પણ ધોરાજીના ઉપલેટા રોડ પર અકસ્માત સર્જાયો હતો. ઉર્ષના મેળામાં આવેલા ઉપલેટાના ગુલાબહુશેન જલાલભાઈ માણસીયા અને આદીલભાઈ અશરફભાઈ કચ્છી મેળામાંથી પરત ઉપલેટા જતા હતા. ત્યારે કાર સાથે અકસ્માત થતાં જેમાં અભિષેક ભીખાભાઈ ગોસ્વામીને ગંભીર ઈજાઓ થતા કરુણ મોત નીપજ્યુ હતુ. જ્યારે ગુલાબહુશેન જલાલભાઈ માણસીયાને ગંભીર ઈજાઓ થતાં તેમનું કરુણ મોત થયેલ હતું. તેમજ અન્ય અફઝલ હનીફ કુરેશીને ગંભીર ઈજાઓ થતાં રીફર કરાયા હતા તેમજ અન્ય એક આદિલ અશરફ કચ્છીને ઈજાઓ થતાં તેઓને રીફર કરાયા હતા.