દિલ્હી પોલીસના સ્પેશિયલ સેલે ગુરુવારે ડ્રગ્સનો મોટો કન્સાઈનમેન્ટ જપ્ત કર્યો છે. દિલ્હીમાં એક સપ્તાહમાં 7,000 કરોડ રૂપિયાથી વધુનું કોકેન જપ્ત કરવામાં આવ્યું છે. ગુરુવારે સ્પેશિયલ સેલે રાષ્ટ્રીય રાજધાનીના રમેશનગરમાં ડ્રગ નેટવર્કનો પર્દાફાશ કર્યો હતો. અહીંથી 2000 કરોડ રૂપિયાની કિંમતનો 200 કિલો કોકેઈન જપ્ત કરવામાં આવ્યું છે. જો કે, આરોપી લંડન ભાગી ગયો હતો, પરંતુ પોલીસે ડ્રગ્સ કબજે કર્યું હતું.
હજુ ઓપરેશન ચાલુ
આ કોકેઈન એક દુકાન જેવા વેરહાઉસમાં રાખવામાં આવ્યું હતું, જે બંધ હતું. દિલ્હી પોલીસના સ્પેશિયલ સેલે ગોડાઉનનું તાળું તોડીને આ રિકવરી કરી હતી. આ રિકવરી 6/54 રમેશનગર વિસ્તારમાંથી કરવામાં આવી હતી. હજુ ઓપરેશન ચાલુ છે. એક વ્યક્તિની ઓળખ કરવામાં આવી છે. તેની શોધ ચાલુ છે.
અગાઉ દિલ્હી પોલીસે 5000 કરોડનું ડ્રગ્સ જપ્ત કર્યું હતું
આ પહેલા દિલ્હી પોલીસે 5000 કરોડ રૂપિયાથી વધુની કિંમતનું ડ્રગ્સ જપ્ત કર્યું હતું. જપ્ત કરાયેલા ડ્રગ્સમાં થાઈલેન્ડમાંથી 562 કિલો કોકેઈન અને 40 કિલો મેરવાના ડ્રગ્સનો સમાવેશ થાય છે. આંતરરાષ્ટ્રીય બજારમાં તેમની કિંમત 5 હજાર કરોડ રૂપિયાથી વધુ હોવાનું જાણવા મળી રહ્યું છે.
દિલ્હી પોલીસે ફરી જપ્ત કર્યું કોકેઈન
દિલ્હી પોલીસના સ્પેશિયલ સેલે જીપીએસ દ્વારા ડ્રગ સપ્લાયરને ટ્રેક કરીને તેને પશ્ચિમ દિલ્હીના રમેશનગરમાં પકડી લીધો હતો. તે એ જ ગેંગનો ભાગ છે જ્યાંથી દિલ્હી પોલીસે રૂ. 5,000 કરોડનું કોકેઈન જપ્ત કર્યું હતું. પોલીસે એક સપ્તાહમાં 762 કિલો ડ્રગ્સ જપ્ત કર્યું હતું, જેની કિંમત 5,000 કરોડ રૂપિયાથી વધુ હતી. દેશની આ સૌથી મોટી ડ્રગ કન્સાઈનમેન્ટ હતી. દક્ષિણ દિલ્હીમાં દરોડા પછી ડ્રગના કન્સાઈનમેન્ટના સંબંધમાં ચાર લોકોની ધરપકડ કરવામાં આવી હતી.
પોલીસે જીતેન્દ્ર પાલ સિંહ ધરપકડ કરી હતી
સ્પેશિયલ સેલના પોલીસકર્મીઓએ પંજાબના અમૃતસરના એરપોર્ટ પરથી જીતેન્દ્ર પાલ સિંહ ઉર્ફે જસ્સીની ધરપકડ કરી હતી. જે યુનાઇટેડ કિંગડમ ભાગવાનો પ્રયાસ કરી રહ્યો હતો. તેની પૂછપરછ દરમિયાન બહાર આવ્યું હતું કે, ત્યાંથી સંગઠિત અપરાધ અને આ દેશમાં ગેરકાયદે ડ્રગ્સની દાણચોરી કરનાર અખિલ ભારતીય નેટવર્કની વચ્ચે સંબંધ છે.
આંતરરાષ્ટ્રીય ડ્રગ સ્મગલિંગ ગેંગનો પર્દાફાશ
પોલીસના જણાવ્યા અનુસાર કોકેઈનના આ મોટા કન્સાઈનમેન્ટ પાછળ આંતરરાષ્ટ્રીય ડ્રગ સ્મગલિંગ ગેંગનો હાથ છે. જિતેન્દ્ર પાલ સિંહ નાસી છૂટવાના પ્રયાસની પોલીસને જાણ થઈ હતી. તેઓ છેલ્લા 17 વર્ષથી બ્રિટનમાં 'કાયમી નિવાસી' તરીકે રહે છે. તેની સામે એલઓસી અથવા લુકઆઉટ સર્ક્યુલર પહેલા જ જારી કરવામાં આવ્યો હતો.
ડ્રગ ગેંગ ભારતમાં દિલ્હી અને મુંબઈથી કામ કરે છે
અધિકારીઓ માને છે કે, આ ખાસ ડ્રગ ગેંગ ભારતમાં દિલ્હી અને મુંબઈથી કામ કરે છે અને દુબઈ સાથે પણ તેની લિંક્સ છે. દિલ્હી પોલીસ દ્વારા શંકાસ્પદ લોકોની પૂછપરછ દરમિયાન ભારતીય નાગરિક વીરેન્દ્ર બસોયાનું નામ સામે આવ્યું છે. હવે પશ્ચિમ એશિયાના દેશમાં રહે છે.
દિલ્હીમાં ડ્રગ્સ જપ્ત કરાયું હતું
ગત રવિવારે દિલ્હીના તિલકનગર વિસ્તારમાં બે અફઘાન નાગરિકોની ધરપકડ બાદ રાષ્ટ્રીય રાજધાનીમાં તાજેતરમાં ડ્રગ્સ જપ્ત કરવામાં આવ્યું હતું. જેમની પાસેથી 400 ગ્રામ હેરોઈન અને 160 ગ્રામ કોકેઈન મળી આવ્યું હતું. તે ફેડરલ રિપબ્લિક ઑફ લાઇબેરિયાનો નાગરિક હતો, જે દુબઈથી દિલ્હી આવ્યો હતો. એનડીપીએસ એક્ટ 1985 હેઠળ તેની ધરપકડ કરવામાં આવી હતી.
