NEET-UG Paper Leak મામલે CBI એક્શનમાં, 2 આરોપીના 3 દિવસના રિમાન્ડ મંજૂર

• NEET-UG પેપર લીક મામલે 2 આરોપીઓ સામે કાર્યવાહી
  
• આરોપી ચિન્ટુ કુમાર અને મુકેશ કુમારને 3 દિવસના રિમાન્ડ મંજૂર
• CBI હવે 2 આરોપીઓના રિમાન્ડ પર લઈને વધુ પૂછપરછ કરશે

NEET-UG પેપર લીક મામલે કોર્ટે આરોપી ચિન્ટુ કુમાર અને મુકેશ કુમારને 3 દિવસના CBI રિમાન્ડ પર મોકલી દીધા છે. હવે CBI હવે 2 આરોપીઓના રિમાન્ડ પર લઈને વધુ પૂછપરછ કરશે. 

આરોપી ચિન્ટુ કુમાર અને મુકેશ કુમારને 3 દિવસના રિમાન્ડ મંજૂર

NEET પેપર લીક કેસમાં બુધવારે CBI સ્પેશિયલ કોર્ટમાં સુનાવણી હાથ ધરવામાં આવી હતી. કોર્ટે પેપર લીકના આરોપી ચિન્ટુ કુમાર અને મુકેશ કુમારને 3 દિવસના CBI રિમાન્ડ પર મોકલી દીધા છે. ધરપકડ કરાયેલા ચિન્ટુ કુમારે પૂછપરછ દરમિયાન બિહાર પોલીસના ઇકોનોમિક ઓફેન્સ યુનિટ (EOU) સામે ઘણા મહત્વના ખુલાસા કર્યા છે. તેણે NEET સેટિંગમાં સામેલ કેટલાક લોકોના નામ જાહેર કર્યા છે. હવે CBI તેમને રિમાન્ડ પર લઈને વધુ પૂછપરછ કરશે. તમને જણાવી દઈએ કે પેપર લીક કેસમાં અત્યાર સુધીમાં બિહારમાંથી 13 અને ઝારખંડના દેવઘરમાંથી 6 આરોપીઓની ધરપકડ કરવામાં આવી છે.

પોલીસ પૂછપરછમાં અનેક ખુલાસા

પોલીસ પૂછપરછ દરમિયાન આરોપી ચિન્ટુ કુમારે જણાવ્યું કે પટનાના ખેમાણી ચક સ્થિત લોર્ડ એન્ડ પ્લે સ્કૂલમાં લગભગ 35 વિદ્યાર્થીઓના પ્રશ્નપત્ર અને જવાબો યાદ રાખવા માટે વાઈ-ફાઈ પ્રિન્ટર દ્વારા 10-12 કોપી પ્રિન્ટ કરવામાં આવી હતી.બાયોલોજીનું પ્રશ્નપત્ર અને જવાબ પ્રથમ રોકી દ્વારા આવ્યો હતો. પછી ભૌતિકશાસ્ત્રના જવાબો આવ્યા અને રસાયણશાસ્ત્રના તમામ પ્રશ્નો અને જવાબોમાંથી છેલ્લે આપવામાં આવ્યા.