ભોજન વિવાદને લઇને એર ઇન્ડિયાએ મોટો નિર્ણય લીધો છે. ટાટા ગ્રુપનું પ્રભુત્વ ધરાવતી આ કંપનીએ કહ્યું કે હવે ફ્લાઇટમાં હિંદુઓ અને શીખોને હલાલ ભોજન નહી પીરસવામાં આવે. એરલાઇનના જણાવ્યા મુજબ MOML મુસ્લિમ ભોજન સ્ટિકર સાથે લેબલ કરવામાં આવેલા પ્રિબુક કરેલા ભોજનને વિશેષ ભોજન (SPML) માનવામાં આવશે.


અહીં અપાશે હલાલ સર્ટી

હલાલ પ્રમાણપત્ર ફક્ત ઉત્કર્ષિત MOML ખોરાક માટે જ આપવામાં આવશે. સાઉદી સેક્ટરમાં તમામ ભોજન હલાલ જ હશે. જેદ્દાહ, દમ્મામ, રિયાધ, મદીના સેક્ટર સહિતની હજ ફ્લાઈટ્સ પર હલાલ પ્રમાણપત્ર આપવામાં આવશે

Also Read


શું છે એર ઈન્ડિયા ફૂડ વિવાદ?

છેલ્લા ઘણા દિવસોથી એર ઈન્ડિયા ફ્લાઇટમાં ફૂડને લઈને વિવાદોમાં ફસાયેલી હતી. આ દરમિયાન એર ઈન્ડિયાએ એક મોટો નિર્ણય જાહેર કર્યો છે. 17 જૂને કોંગ્રેસના સાંસદ મણિકમ ટાગોરે ધર્મના આધારે એર ઈન્ડિયા દ્વારા ખોરાકનું લેબલ લગાવવા પર ચિંતા વ્યક્ત કરી હતી. ટાગોરે કહ્યું હતું કે એર ઈન્ડિયાની ફ્લાઈટમાં હિન્દુ ફૂડ અને મુસ્લિમ ફૂડ? હિન્દુ ખોરાક શું છે અને અથવા મુસ્લિમ ખોરાક શું છે? શું સંઘોએ એર ઈન્ડિયાનો કબજો લઈ લીધો છે? આશા છે કે નાગરિક ઉડ્ડયન મંત્રાલય આ અંગે પગલાં લેશે.


હલાલ અને ઝટકા માંસ શું છે?

ઇસ્લામિક પરંપરા અનુસાર લોકો હલાલ માંસનું સેવન કરે છે, આ તે માંસ છે જેમાં પ્રાણીની કતલ કરવા માટે એક અલગ પ્રક્રિયા અપનાવવામાં આવે છે. આ પ્રક્રિયામાં પ્રાણીનું સીધું કતલ કરવામાં આવતું નથી પરંતુ તેને ધીમે ધીમે કાપવામાં આવે છે. જ્યારે બીજી પ્રક્રિયાને ઝાટકા કહેવામાં આવે છે. આ પ્રક્રિયામાં પ્રાણીને એક જ વારમાં સીધું કાપી દેવામાં આવે છે. 

  • Follow us on: