અમૃતસરની ફેક્ટરીમાં આગ, કોઈ જાનહાનિ નહીં આગ પાછળનું કારણ અકબંધ

• અમૃતસરની કેમિકલ કંપનીમાં ભીષણ આગ
  
• કર્મચારીઓએ દોડીને પોતાના જીવ બચાવ્યા
• ડ્રમમાં બ્લાસ્ટ થતા સર્વત્ર ધુમાંડો જોવા મળ્યો

અમૃતસરના મજીઠા રોડ પર આવેલી નાગકલાન ફાર્માસ્યુટિકલ ફેક્ટરીમાં લાગેલી આગમાં લાખોનું નુકસાન થયું હતું. જો કે હજુ સુધી આગના કારણે થયેલ નુકશાનનું ચોક્કસ આકલન કરવામાં આવ્યું નથી. ફેક્ટરીની અંદર કામ કરતા કર્મચારીઓએ કોઈક રીતે ભાગીને પોતાનો જીવ બચાવ્યો હતો. આગ પર કાબૂ મેળવવાની કામગીરી લાંબા સમય સુધી ચાલું રહી હતી. ક્વાલિટી ફાર્માસ્યુટિકલ લિમિટેડ નામની દવાની ફેક્ટરીમાં સાંજે 5 વાગ્યાની આસપાસ અચાનક ભીષણ આગ ફાટી નીકળી હતી.

લાખો રૂપિયાના મશિન ખાખ

આગના કારણે ફેક્ટરીમાં લાગેલા લાખોની કિંમતના મશીનો પણ બળીને ખાખ થઈ ગયા હતા. સાથે જ દવા માટે ડ્રમમાં રાખેલા કેમિકલનો પણ નાશ કરવામાં આવ્યો હતો.આગ એટલી ભયાનક હતી કે કેમિકલના ડ્રમમાં વિસ્ફોટ થયા હતા. શરૂઆતમાં માત્ર ધુમાડો જ નીકળતો હતો. તે ધુમાડાને કારણે ફાયર વિભાગના કર્મચારીઓ પણ આગ ઓલવવા અંદર જઈ શક્યા ન હતા. ધુમાડો ઓછો થતાં ફાયર વિભાગના જવાનોએ આગ ઓલવવાનો પ્રયાસ શરૂ કર્યો હતો. આગ પ્રથમ ફેક્ટરીની અંદર પડેલા કેમિકલના ડ્રમમાં લાગી હતી. આગ કેવી રીતે લાગી તે આગ ઓલવ્યા બાદ જ તપાસ થશે. ખન્ના પેપર મિલ, પંજાબ ફાયર સર્વિસ, સેવા સોસાયટી ફાયર બ્રિગેડ અને આસપાસના વિસ્તારોના વાહનો આગ ઓલવવા માટે પહોંચી હતી. ફાયર વિભાગના જવાનો આગ ઓલવવાના સતત પ્રયાસ કર્યા હતા.