Bihar News: પટનામાં ગમખ્વાર અકસ્માત, રિક્ષાએ JCBને ટક્કર મારતા 7ના મોત

• બિહારના પટનામાં ગમખ્વાર અકસ્માત
  
• અનિયંત્રિત રિક્ષાએ જેસીબીને મારી ટક્કર
• 7 લોકોના મોત એક વ્યક્તિ ગંભીર રીતે ઘાયલ

દેશમાં રોજબરોજ અકસ્માતની ઘટનાઓ વધતી જાય છે. ક્યારેક ઓવર સ્પીડના ચક્કરમાં તો ક્યારેક તેજ રફતારને કારણે અકસ્માતના બનાવો બને છે. ત્યારે બિહારના પટનામાં ગમખ્વાર અકસ્માત થયો હોવાનું સામે આવ્યું છે.

રિક્ષાએ જેસીબીને મારી ટક્કર

પટનામાં જેસીબી અને રિક્ષા વચ્ચે ટક્કર થતા 7 લોકોના મોત નીપજ્યા છે જ્યારે એક શખ્સ ગંભીર રીતે ઘાયલ થયો હોવાનું સામે આવ્યું છે. હચમચાવનારી આ ઘટના પટનાના કાંકરબાગ પોલીસ સ્ટેશન વિસ્તારમાં રામલખાન પથ પર બની હતી. મળતી માહિતી મુજબ, એક અનિયંત્રિત રિક્ષાએ પટના મેટ્રો માટે કામ કરી રહેલા JCBને સીધી ટક્કર મારી હતી.

ઘટના સ્થળે 7ના મોત

અકસ્માત એટલો ભયાનક હતો કે 7 લોકોના ઘટનાસ્થળે જ મોત થયા હતા. જ્યારે એક વ્યક્તિ ગંભીર રીતે ઘાયલ થયો હતો. તેને સારવાર માટે હોસ્પિટલમાં દાખલ કરવામાં આવ્યો છે. મૃતકોમાં મહિલાઓ અને બાળકોનો પણ સમાવેશ થાય છે. આ અકસ્માતની માહિતી મળતા જ પોલીસ ઘટના સ્થળે પહોંચી હતી અને અકસ્માતની તપાસ હાથ ધરી છે. પટનામાં માર્ગ અકસ્માત બાદ વિસ્તારમાં ખળભળાટ મચી ગયો છે.