ઝારખંડ-રાજસ્થાનમાં 1-1 બેઠક પર વિધાનસભા પેટાચૂંટણી માટે ભાજપે ઉમેદવારો ઉતાર્યા મેદાનમાં

• વિધાનસભા પેટાચૂંટણીને લઇ ભાજપે ઉમેદવારોની યાદી કરી જાહેર 
  
• ઝારખંડની ગાંડેય વિધાનસભા બેઠક પરથી દિલીપ કુમાર વર્માને ટિકિટ
• રાજસ્થાનની બાગીડોર બેઠક પરથી સુભાષ તંબોલીયાને મળી ટિકિટ

દેશમાં લોકસભાની ચૂંટણીની સાથે કેટલાક રાજ્યોમાં વિધાનસભાની પેટાચૂંટણીઓ પણ યોજાવા જઈ રહી છે. આ અંગે રાજકીય પક્ષોએ પોતાની રણનીતિ તૈયાર કરી છે. ભજપે ઝારખંડ-રાજસ્થાનમાં 1-1 બેઠક પર વિધાનસભા પેટાચૂંટણી માટે ઉમેદવારો મેદાનમાં ઉતાર્યા છે.

ભારતીય જનતા પાર્ટીની કેન્દ્રીય ચૂંટણી સમિતિએ ઝારખંડ અને રાજસ્થાનમાં આગામી વિધાનસભા પેટાચૂંટણી 2024 માટે યાદી બહાર પાડી, જેમાં 2 ઉમેદવારોના નામ સામેલ છે. BJPએ ઝારખંડની ગાંડેય વિધાનસભા બેઠક પરથી દિલીપ કુમાર વર્મા અને રાજસ્થાનની બાગીડોર બેઠક પરથી સુભાષ તંબોલીયાને મેદાનમાં ઉતાર્યા છે.

બંને બેઠકો પર ક્યારે થશે મતદાન?

ચૂંટણી પંચે લોકસભા ચૂંટણીની સાથે પેટાચૂંટણીની તારીખો પણ જાહેર કરી હતી. આ અંતર્ગત ઝારખંડની ગાંડે વિધાનસભા સીટ પર પાંચમા તબક્કામાં 20 મેના રોજ મતદાન થશે જ્યારે રાજસ્થાનની બાગીડોર સીટ પર બીજા તબક્કામાં 26 એપ્રિલે મતદાન થશે. મહેન્દ્રજીત સિંહ માલવિયાએ કોંગ્રેસમાંથી બાગીદોર જીતી હતી, પરંતુ બાદમાં તેઓ આ બેઠક ખાલી છોડીને ભાજપમાં જોડાયા હતા. તે જ સમયે, જેએમએમના ધારાસભ્ય સરફરાઝ અહેમદે ગાંડે બેઠક પરથી રાજીનામું આપી દીધું હતું, જેના કારણે આ બેઠક ખાલી થઈ હતી. આ પછી જેએમએમએ સરફરાઝ અહેમદને રાજ્યસભામાં મોકલ્યા.