• છત્તીસગઢના કવર્ધા જિલ્લામાં મોટો અકસ્માત
  • પીકઅપ વાન અનિયંત્રિત થતા ખાઇમાં પડી
  • 15 શ્રમિકોના મોત,10 લોકો ગંભીર રીતે ઘાયલ

છત્તીસગઢના કવર્ધા જિલ્લામાં એક મોટો અકસ્માત થયો હોવાનું સામે આવ્યું છે. શ્રમિકો ભરેલા પીકઅપ વાહન બેકાબુ થતા 20 ફૂટ ઊંડી ખાણમાં પડતા 15 શ્રમિકોના મોત નીપજ્યા હોવાનું સામે આવ્યું છે. જ્યારે 20 લોકો ઇજાગ્રસ્ત થયા છે. 

શ્રમિકોના દર્દનાક મોત

ઘટનાની જાણ થતા જ પોલીસ પ્રશાસનની ટીમ ઘટના સ્થળે પહોંચી હતી. પોલીસે પીકઅપ વાહનની નીચ દટાયેલા શ્રમિકોને બહાર કાઢીને નજીકની હોસ્પિટલમાં સારવાર અર્થે લઇ જવાયા છે. અકસ્માતનો એક વીડિયો પણ સામે આવ્યો છે, જેમાં કામદારો પીકઅપની પાસે પડેલા જોવા મળે છે.

Also Read


20ફૂટ ઊંડી ખાણમાં ખાબક્યા

અકસ્માત કબીરધામ જિલ્લાના કુકદુર પોલીસ સ્ટેશન વિસ્તારના બહાપાની ગામમાં થયો હતો. સોમવારે બપોરે 2.30 વાગ્યાના સુમારે શ્રમિકો પીકઅપમાં જંગલમાંથી તેંદુના પાન તોડીને પરત ફરી રહ્યા હતા. પીકઅપમાં 40 જેટલા મજૂરો હતા જે દરમિયાન રસ્તામાં પીકઅપ બેકાબુ થઈ જતાં 20 ફૂટ ઊંડી ખીણમાં પડી હતી. આ અકસ્માતમાં 15 મજૂરોના કચડાઈ જવાથી મોત થયા હતા. 20 થી વધુ કામદારો ગંભીર રીતે ઘાયલ થયા હતા.

  • Follow us on: