- CBIએ તેમની વિરુદ્ધ પુરાવા અને સાક્ષી બંને તૈયાર કર્યા
- મનીષ સિસોદિયાને પકડવામાં કોમ્પ્યુટરે CBIને મદદ કરી હતી
- સિસોદિયાના આ કોમ્પ્યુટરમાંથી મળેલી કડીઓના કારણે જ CBIએ નક્કર કેસ તૈયાર કર્યો
દિલ્હીના નાયબ મુખ્યમંત્રી મનીષ સિસોદિયાની CBI દ્વારા કથિત એક્સાઈઝ કૌભાંડ કેસમાં ધરપકડ કરવામાં આવી છે. મનીષ સિસોદિયાની ધરપકડ કરતા પહેલા CBIએ તેમની વિરુદ્ધ પુરાવા અને સાક્ષી બંને તૈયાર કર્યા છે. મનીષ સિસોદિયાને પકડવામાં કોમ્પ્યુટરે CBIને મદદ કરી હતી. એવો દાવો કરવામાં આવી રહ્યો છે કે સિસોદિયાના આ કોમ્પ્યુટરમાંથી મળેલી કડીઓના કારણે જ CBIએ નક્કર કેસ તૈયાર કર્યો. 19 ઑગસ્ટની તપાસ દરમિયાન એક્સાઇઝ ડિપાર્ટમેન્ટ પાસેથી જપ્ત કરાયેલ ડિજિટલ ડિવાઇસની તપાસ કરતી વખતે એજન્સીએ એક્સાઇઝ પોલિસીના ડ્રાફ્ટ દસ્તાવેજોમાંથી એકને અલગ સિસ્ટમમાં ટ્રેસ કર્યા, જે એક્સાઇઝ ડિપાર્ટમેન્ટ નેટવર્કનો ભાગ ન હતો. એક્સાઇઝ વિભાગના અધિકારીની પૂછપરછ દરમિયાન એજન્સીને સિસોદિયાની ઓફિસના કોમ્પ્યુટરનો સુરાગ મળ્યો હતો. CBIએ બાદમાં 14 જાન્યુઆરીએ સિસોદિયાની ઓફિસમાંથી આ કોમ્પ્યુટરને જપ્ત કરી લીધું હતું.
જો કે આ કમ્પ્યુટરમાંથી મોટાભાગની ફાઇલોને હટાવી દેવામાં આવી હતી, પરંતુ એજન્સીએ પોતાની ફોરેન્સિક ટીમની મદદથી રેકોર્ડ ફરી મેળવી લીધો. ફોરેન્સિક તપાસમાં બહાર આવ્યું છે કે ઉપરોક્ત ફાઇલો બહારથી જનરેટ કરવામાં આવી હતી અને WhatsApp દ્વારા મેળવવામાં આવી હતી. ત્યારબાદ CBIએ 1996 બેચના દાનિક્સ અધિકારીને સમન્સ મોકલ્યા, જે ફાઇલ પર પૂછપરછ માટે સિસોદિયાના સચિવ હતા. અધિકારીએ કહ્યું, "સિસોદિયાએ મને અરવિંદ કેજરીવાલના નિવાસસ્થાને બોલાવ્યો, જ્યાં સત્યેન્દ્ર જૈન પણ માર્ચ 2021ના મધ્યમાં હાજર હતા, અને GOM રિપોર્ટની નકલ આપી."
