Delhi CM રેખા ગુપ્તાએ સંભાળ્યો પદભાર, સાંજે 7 કલાકે પહેલી કેબિનેટ બેઠક

દિલ્હીના મુખ્યમંત્રી રેખા ગુપ્તાએ દિલ્હીના મુખ્યમંત્રી પદના શપથ લીધા. આજે દિલ્હીના રામલીલા મેદાનમાં શપથ ગ્રહણ સમારોહ યોજાયો હતો.શપથ લીધા બાદ તેમણે મુખ્યમંત્રી તરીકે પદભાર સંભાળ્યો હતો. તેમણે જાણકારી આપી કે ગુરુવારે સાંજે 7 વાગે દિલ્હીની નવી સરકારની પહેલી કેબિનેટ બેઠક મળશે. કહેવામાં આવી રહ્યું છે કે આ બેઠકમાં નવા નિર્ણયો પણ લેવામાં આવી શકે છે.

મુખ્યમંત્રી પદ સંભાળ્યા પછીનું પહેલું નિવેદન

દિલ્હીના મુખ્યમંત્રી તરીકે કાર્યભાર સંભાળ્યા પછી દિલ્હીના મુખ્યમંત્રી રેખા ગુપ્તાએ પોતાનું પહેલું નિવેદન આપ્યું હતું. તેમણે કહ્યું હતું કે વિકસિત દિલ્હીના મિશનને પૂર્ણ કરવા માટે સતત કાર્ય કરવામાં આવશે. આમાં એક પણ દિવસ બગાડવામાં આવશે નહીં. દિલ્હીથી કરવામાં આવેલી દરેક પ્રતિબદ્ધતા પૂર્ણ કરવામાં આવશે. રેખા ગુપ્તાએ કહ્યું કે ગુરુવારે સાંજે 7 વાગ્યે કેબિનેટની બેઠક થશે. તે પહેલાં સાંજે 5 વાગ્યે અમે આરતી માટે યમુના ઘાટ જઈશું.

શું થશે બેઠકમાં ચર્ચા ?

સૂત્રોના જણાવ્યા અનુસાર CAG રિપોર્ટ દિલ્હીમાં રેખા ગુપ્તાના નેતૃત્વ હેઠળની ભાજપ સરકારના પહેલા કેબિનેટમાં પસાર કરવામાં આવશે જેથી તેને ગૃહમાં રજૂ કરી શકાય. આમ આદમી પાર્ટીની સરકાર દરમિયાન 14 CAG રિપોર્ટ હજુ સુધી ગૃહમાં રજૂ કરવામાં આવ્યા નથી. આ ઉપરાંત, આમ આદમી પાર્ટીની સરકારના 10 વર્ષના કાર્યકાળ દરમિયાન દિલ્હી સરકારની નાણાકીય સ્થિતિ પર પણ ચર્ચા કરવામાં આવશે.