- તિહાર જેલમાં સીએમ કેજરીવાલનું સુગર લેવલ 160 થઈ ગયું
- સીએમ કેજરીવાલ 15 એપ્રિલ સુધી તિહાર જેલમાં બંધ રહેશે
- જેલમાં કેજરીવાલનું વજન 65 કિલોથી વધીને 66 કિલો થયું
તિહાર જેલમાં બંધ દિલ્હીના સીએમ અરવિંદ કેજરીવાલના સ્વાસ્થ્ય અંગે AAPના સૂત્રોએ દાવો કર્યો છે કે, તેમનું શુગર લેવલ વધી ગયું છે. મુખ્યમંત્રી કેજરીવાલનું શુગર લેવલ ખરાબ થઈ ગયું છે. સૂત્રોનું પાસેથી મળતી માહિતીનું માનીએ તો, સીએમ અરવિંદ કેજરીવાલના હેલ્થને લઈને તેમનું બ્લડ સુગર 160 આવ્યું છે. જ્યારે સામાન્ય રીતે બ્લડ સુગર લેવલ 70 થી 100 ની વચ્ચે હોવું જોઈએ.
સીએમ કેજરીવાલ 15 એપ્રિલ સુધી કસ્ટડીમાં રહેશે
મળતી માહિતી મુજબ, 1 એપ્રિલ, 2024ના રોજ સીએમ અરવિંદ કેજરીવાલને ન્યાયિક કસ્ટડીમાં તિહાર જેલમાં મોકલવામાં આવ્યાં હતા. કેજરીવાલ તિહાર જેલની બેરેક નંબર 2માં બંધ છે. સીએમ કેજરીવાલ 15 એપ્રિલ સુધી કસ્ટડીમાં રહેશે.
તિહાર જેલમાં બંધ કેજરીવાલના સ્વાસ્થ્ય અંગે પ્રશાસને શું કહ્યું?
વધુમાં તિહાર જેલના સૂત્રોના જણાવ્યા અનુસાર, સીએમ અરવિંદ કેજરીવાલનું વજન એક કિલો વધી ગયું છે. આ ઉપરાંત સુગર લેવલ પણ જળવાઈ રહે છે. જ્યારે મુખ્યમંત્રી અરવિંદ કેજરીવાલ 1 એપ્રિલે જેલમાં ગયા હતા ત્યારે મેડિકલ તપાસ દરમિયાન તેમનું વજન 65 કિલો હતું અને 7 એપ્રિલે તેમનું વજન 66 કિલો હતું. ઉપરાંત, ખાંડનું સ્તર પણ સારી રીતે જાળવવામાં આવે છે અને તે સંપૂર્ણપણે સ્વસ્થ હોવાનું કહેવાય છે.
તિહાર જેલ પ્રશાસને જેલ મેન્યુઅલની નકલ અને પુ્સ્તકો આપ્યાં
દિલ્હી એક્સાઈઝ પોલિસી કેસમાં તિહાર જેલમાં બંધ દિલ્હીના મુખ્યમંત્રી અરવિંદ કેજરીવાલને તેમની વિનંતી પર જેલ નિયમોની નકલ આપવામાં આવી છે. સમાચાર એજન્સી પીટીઆઈના સૂત્રોએ આ માહિતી આપી છે. આ વાતની પુષ્ટિ કરતા તિહાર જેલના એક અધિકારીએ જણાવ્યું કે જેલની લાઈબ્રેરીમાં ઉપલબ્ધ કોઈપણ પુસ્તક કોઈપણ કેદી વાંચી શકે છે. સીએમ કેજરીવાલે જેલ સત્તાવાળાઓ પાસેથી ત્રણ પુસ્તકો- રામાયણ, મહાભારત અને 'પ્રાઈમ મિનિસ્ટર ડિસાઈડ'ની માંગણી કરી હતી.
તિહાર જેલમાં બંધ કેજરીવાલને મચ્છરદાની આપવામાં આવી
સૂત્રોના જણાવ્યા અનુસાર, તિહાર જેલમાં બંધ કેજરીવાલ અને અન્ય આમ આદમી પાર્ટીના નેતાઓને પણ તેમના સેલમાં મચ્છરદાની આપવામાં આવી છે. એક અધિકારીએ કહ્યું કે જોગવાઈઓ અનુસાર, કેદીઓને તેમની જેલમાં મચ્છરદાની આપી શકાય છે.
