Delhi: પેસેન્જરોથી ભરેલી DTC બસમાં લાગી ભીષણ આગ, મુસાફરોના જીવ તાળવે ચોંટ્યા

• દિલ્હીના જગતપુરી વિસ્તારમાંથી ચોંકાવનારા સમાચાર 
  
• પેસેન્જરોથી ભરેલી DTC બસમાં લાગી ભીષણ આગ
• સમગ્ર ઘટનામાં જાનહાનિ ટળી હોવાની પ્રાથમિક વિગત

દિલ્હીના જગતપુરી વિસ્તારમાંથી ચોંકાવનારા સમાચાર સામે આવ્યા છે. મુસાફરોથી ભરેલી બસમાં અચાનક આગ લાગી હતી. આ બનાવથી સમગ્ર વિસ્તારમાં અફરાતફરીનો માહોલ સર્જાયો હતો. પાછળથી આવી રહેલા એક બાઇક સવારે બસમાં આગ લાગવાની જાણ કરી, ત્યારબાદ ડ્રાઇવરે તરત જ બસ રોકી અને તમામ લોકો બસમાંથી નીચે ઉતર્યા.

બાઇક સવારે માહિતી આપી હતી

આ ઘટના દિલ્હીના જગતપુરી વિસ્તારમાં બની હતી. આજે સવારે મુસાફરોથી ભરેલી ડીટીસી બસ તેના ગંતવ્ય તરફ જઈ રહી હતી. ત્યારે અચાનક બસના પાછળના ભાગમાં આગ લાગી હતી. આ ઘટનાથી અજાણ બસના ડ્રાઈવર અને મુસાફરો પોતાની સીટ પર આરામથી બેઠા હતા. ત્યારે બસની પાછળ ચાલતા બાઇક સવારને બસમાં આગ લાગી હતી. બાઈક સવારે કોઈક રીતે ડ્રાઈવરને આ ઘટનાની જાણ કરી હતી. ડ્રાઈવરે બસ રસ્તાની વચ્ચે રોકી દીધી અને તમામ મુસાફરો બસમાંથી નીચે ઉતરી ગયા.

રોડ-રસ્તા પર ટ્રાફિક જામ

આ અકસ્માતમાં કોઈ જાનહાનિના સમાચાર નથી. જો કે બસો અધવચ્ચે જ અટકી જવાને કારણે જગતપુરી, પ્રીત વિહાર, પદપરગંજ જેવા વિસ્તારોમાં કેટલાય કિલોમીટર સુધી જામ છે. બસની પાછળ લાગેલી આગ ધીરેધીરે પ્રસરવા લાગી અને આખી બસ આગની લપેટમાં આવી ગઈ. તેનો વીડિયો સોશિયલ મીડિયા પર સામે આવ્યો છે, જેણે બધાને ચોંકાવી દીધા છે.

આગ એટલી ભયંકર હતી કે બસ રોક્યાની થોડીક જ સેકન્ડોમાં આગ આખી બસમાં ફેલાઈ ગઈ હતી અને રસ્તાની વચ્ચે પાર્ક કરેલી બસ સળગવા લાગી હતી. બાઇક સવાર તમામ લોકો માટે દેવદૂત બનીને આવ્યો અને તેમનો જીવ બચાવ્યો. બસને સળગતી જોઈને જગતપુરી વિસ્તારમાં ગભરાટ ફેલાયો હતો અને થોડી જ વારમાં રોડ પર લાંબો ટ્રાફિક જામ થતા નોકરીયાત વર્ગેને ભારે હાલાકી પડી હતી.