- 4,440 કરોડની કિંમતની યુનિવર્સિટીની ઇમારત અને જમીન ટાંચમાં લેવામાં આવી
- તપાસ એજન્સીએ મની લોન્ડરિંગ કેસમાં પ્રોવિઝનલ એટેચમેન્ટ ઓર્ડર જારી કર્યો હતો
- 121 એકર જમીન અને ગ્લોકલ યુનિવર્સિટીની ઇમારત જપ્ત કરવામાં આવી છે
એન્ફોર્સમેન્ટ ડિરેક્ટોરેટ (ED) એ ઉત્તર પ્રદેશના સહારનપુરમાં પૂર્વ BSP MLC હાજી ઈકબાલ વિરુદ્ધ મોટી કાર્યવાહી કરી છે. સેન્ટ્રલ ઇન્વેસ્ટિગેશન એજન્સીએ ભૂતપૂર્વ MLCની 4 હજાર કરોડ રૂપિયાથી વધુની સંપત્તિ જપ્ત કરી છે. અહીં 4,440 કરોડની કિંમતની યુનિવર્સિટીની ઇમારત અને જમીન ટાંચમાં લેવામાં આવી છે. એજન્સી અનુસાર, તપાસ એજન્સીએ મની લોન્ડરિંગ કેસમાં પ્રોવિઝનલ એટેચમેન્ટ ઓર્ડર જારી કર્યો હતો,
આ સંપત્તિઓ અબ્દુલ વહીદ એજ્યુકેશનલ એન્ડ ચેરિટેબલ ટ્રસ્ટના નામે નોંધવામાં આવી હતી
ત્યારબાદ 121 એકર જમીન અને ગ્લોકલ યુનિવર્સિટીની ઇમારત જપ્ત કરવામાં આવી છે. એન્ફોર્સમેન્ટ ડિરેક્ટોરેટ (ED) એ એક નિવેદનમાં જણાવ્યું હતું કે આ સંપત્તિઓ અબ્દુલ વહીદ એજ્યુકેશનલ એન્ડ ચેરિટેબલ ટ્રસ્ટના નામે નોંધવામાં આવી હતી, જેનું નિયંત્રણ મોહમ્મદ ઇકબાલ અને તેના પરિવારના સભ્યો દ્વારા કરવામાં આવ્યું હતું.
આ કાર્યવાહી ગેરકાયદેસર માઈનિંગ કેસ સાથે સંબંધિત છે
મોહમ્મદ ઈકબાલ, ટ્રસ્ટ અને તેના પરિવારના સભ્યો સામે લેવાયેલી આ કાર્યવાહી ગેરકાયદેસર માઈનિંગ કેસ સાથે સંબંધિત છે. ED અનુસાર, પૂર્વ MLC ફરાર છે. એવું માનવામાં આવે છે કે તે દુબઈમાં છે. મોહમ્મદ ઈકબાલને ચાર પુત્રો છે. જેલમાં રહેલા પુત્રો અને ભાઈ સામે ઘણા કેસ નોંધાયેલા છે.
આ કંપનીઓ સહારનપુર અને આસપાસના વિસ્તારોમાં મોટા પાયે ગેરકાયદે ખાણકામમાં સામેલ હતી
મની લોન્ડરિંગનો કેસ ઉત્તર પ્રદેશના સહારનપુરમાં રેતીના ખનન, લીઝના ગેરકાયદેસર નવીકરણ અને કેટલાક ખાણ લીઝ ધારકો, કેટલાક અધિકારીઓ અને અજાણ્યા લોકો સામે દિલ્હીમાં નોંધાયેલી CBI FIR સાથે સંબંધિત છે. તમામ ખાણકામ કંપનીઓ મોહમ્મદ ઈકબાલ ગ્રૂપની માલિકીની અને સંચાલિત હતી. આ કંપનીઓ સહારનપુર અને આસપાસના વિસ્તારોમાં મોટા પાયે ગેરકાયદે ખાણકામમાં સામેલ હતી.
કરોડોના વ્યવહારો મળી આવ્યા
EDએ જણાવ્યું હતું કે ITR (ઇન્કમ ટેક્સ રિટર્ન)માં નજીવી આવક દર્શાવવા છતાં, ખાણકામ કરતી કંપનીઓ અને મોહમ્મદ ઇકબાલના જૂથની કંપનીઓ વચ્ચે કોઇપણ વેપારી સંબંધ વિના કરોડોના વ્યવહારો મળી આવ્યા છે.
