National Herald Caseમાં કોંગ્રેસની મુશ્કેલીઓ વધી, કોર્ટે EDની કાર્યવાહીને યોગ્ય ગણાવી

• નેશનલ હેરાલ્ડ કેસમાં કોંગ્રેસ બરોબરની ફસાઇ
  
• ગયા વર્ષે PMLA હેઠળ AJLની મિલકત કરાઇ હતી જપ્ત 
• AJL અને યંગ ઈન્ડિયનની રૂ. 751.9 કરોડની સંપત્તિ જપ્ત કરી હતી

નેશનલ હેરાલ્ડ કેસ મામલે કોંગ્રેસની દિવસેને દિવસે  મુશ્કેલીઓ વધી રહી છે. કોર્ટે એસોસિએટેડ જર્નલ્સ લિમિટેડની મિલકત જપ્ત કરવાની EDની કાર્યવાહીને યોગ્ય ગણાવી છે. EDએ નવેમ્બર 2023માં મની લોન્ડરિંગના આરોપો હેઠળ કોંગ્રેસ સાથે જોડાયેલા AJL અને યંગ ઈન્ડિયનની રૂપિયા 751.9 કરોડની સંપત્તિ જપ્ત કરી હતી.

મળતી માહિતી મુજબ, નેશનલ હેરાલ્ડ કેસમાં કોંગ્રેસ પાર્ટીની મુશ્કેલીઓ વધી ગઈ છે. ગયા વર્ષે PMLA હેઠળ AJLની મિલકત જપ્ત કરવામાં આવી હતી. કોર્ટે આને યોગ્ય ગણાવ્યું છે. સેન્ટ્રલ ઇન્વેસ્ટિગેશન એજન્સીએ કહ્યું હતું કે, જપ્ત કરાયેલી સંપત્તિઓમાં AJLની દિલ્હી, મુંબઈ અને લખનૌ સહિત ઘણી જગ્યાએ મિલકતો છે. તેની કુલ કિંમત 661.69 કરોડ રૂપિયા છે. નેશનલ હેરાલ્ડ કેસમાં EDએ સોનિયા ગાંધી, રાહુલ ગાંધી અને અન્ય ઘણા લોકોની પૂછપરછ કરી હતી. તમને જણાવી દઈએ કે નવેમ્બર 2023માં EDએ મની લોન્ડરિંગના આરોપ હેઠળ કોંગ્રેસ સાથે જોડાયેલા AJL અને યંગ ઈન્ડિયનની 751.9 કરોડ રૂપિયાની સંપત્તિ જપ્ત કરી હતી. જેમાં EDએ તેની તપાસના આધારે લખ્યું હતું કે આ કાર્યવાહી PMLA હેઠળ નોંધાયેલા કેસમાં કરવામાં આવી છે.

90.21 કરોડ રૂપિયાની ફોજદારી કાર્યવાહી 

સમગ્ર મામલે EDએ સોશિયલ મીડિયા પર ટ્વિટ કરીને એક પોસ્ટ કરી હતી. જેમાં લખવામાં આવ્યું હતું કે, AJL પાસે ગુનાહિત કાર્યવાહી તરીકે દેશના ઘણા શહેરોમાં 661.9 કરોડ રૂપિયાની સ્થાવર મિલકતો છે. ઉપરાંત, યંગ ઈન્ડિયનની ગુનાહિત આવક રૂ. 90.21 કરોડ છે, જે તેણે AJLના ઈક્વિટી શેરમાં રોકાણ કરીને કમાઈ છે. તે જ સમયે, EDની કાર્યવાહી પર સવાલ ઉઠાવતા, કોંગ્રેસે તેને વાસ્તવિક મુદ્દાઓથી ભટકાવનારી ગણાવી હતી. કોંગ્રેસ તરફથી જારી કરાયેલા નિવેદનમાં કહેવામાં આવ્યું હતું કે, વિધાનસભા ચૂંટણીમાં હારના ડરથી અનેક પક્ષ રાજકીય સ્ટંટ કરી રહી છે.