કેન્દ્રીય ગૃહમંત્રી અમિત શાહે TMC પર સાધ્યું નિશાન, કહ્યું-"ઘૂસણખોરો તેમની વોટ બેંક"

• કેન્દ્રીય ગૃહમંત્રી અમિત શાહે મમતા બેનર્જી પર કર્યા પ્રહાર
  
• "TMCના સુપ્રીમો ઘૂસણખોરી રોકવાનો ઇરાદો ધરાવતા નથી"
• "મમતા દીદી ઘૂસણખોરી રોકશે નહીં કારણ કે તે તેમની વોટ બેંક"

કેન્દ્રીય ગૃહમંત્રી અમિત શાહે બુધવારે પશ્ચિમ બંગાળના CM મમતા બેનર્જી પર નિશાન સાધ્યું અને કહ્યું કે, તૃણમૂલ કોંગ્રેસના સુપ્રીમો ઘૂસણખોરી રોકવાનો ઇરાદો ધરાવતા નથી કારણ કે, મમતા દીદી ઘૂસણખોરી રોકશે નહીં. કારણ કે આ ઘૂસણખોરો તેમની વોટ બેંક છે. 

ચૂંટણીની તારીખોની જાહેરાત બાદ અમિત શાહની પશ્ચિમ બંગાળની આ પ્રથમ મુલાકાત છે. તેવામાં કેન્દ્રીય ગૃહમંત્રી અમિત શાહે બુધવારે પશ્ચિમ બંગાળના મુખ્યમંત્રી મમતા બેનર્જી પર નિશાન સાધતા કહ્યું કે, તૃણમૂલ કોંગ્રેસના સુપ્રીમો ઘૂસણખોરી રોકવાનો ઇરાદો ધરાવતા નથી કારણ કે જે ઘૂસણખોરો આવે છે તે તેમની વોટ બેંક છે. મમતા દીદી ઘૂસણખોરી રોકશે નહીં કારણ કે તેઓ ઘૂસણખોરો તેમની વોટ બેંક છે. અમિત શાહે વધુ કહ્યું કે, PM નરેન્દ્ર મોદી અને ભાજપ સરકાર બંગાળમાં ઘૂસણખોરી રોકી શકે છે.

કેન્દ્રીય ગૃહમંત્રી અમિત શાહે મમતા બેનર્જી પર કર્યા પ્રહાર

અમિત શાહે કહ્યું, મમતા દીદી, તમે એક મહિલા મુખ્યમંત્રી છો. હું તમને એક વાત પૂછવા માંગુ છું. તમે સંદેશખાલી જેવી શરમજનક ઘટના પર પણ રાજનીતિ કરી રહ્યા છો. વર્ષોથી તમારા નાક નીચે અને તૃણમૂલના ગુંડાઓ દ્વારા મહિલાઓ પર અત્યાચાર કરવામાં આવે છે. કોંગ્રેસે ત્રાસ ચાલુ રાખ્યો. ઈડી જ્યારે આરોપીઓને પકડવા ગઈ ત્યારે ED પર પથ્થરમારો કરવામાં આવ્યો હતો. તેઓએ (TMC) ત્યારે જ આત્મસમર્પણ કર્યું જ્યારે હાઈકોર્ટે તેમને આમ કરવાનો નિર્દેશ આપ્યો. તમે માત્ર વોટ માટે કેટલાક લોકોને ખુશ કરવાનો પ્રયાસ કરી રહ્યા છો, પરંતુ બંગાળની તમામ મહિલાઓ તમને આ કરતા જોઈ રહી છે. આ જોઈને તેઓ જાણે છે કે તમે સંદેશખાલીમાં મહિલાઓ પર અત્યાચાર કરનારાઓની સાથે છો.