નકલી ઘી બનાવતી કંપનીનો પર્દાફાશ, અમૂલ-મધરડેરી જેવી કંપનીઓના પેકેટ મળ્યા

• દિલ્હીમાં પોલીસની કાર્યવાહી
  
  
• બાતમીના આધારે કાર્યવાહી થઈ
• નકલી ઘીની ફેક્ટરી ઝડપી લેવાઈ

દિલ્હીમાં પોલીસે નકલી ઘી બનાવતી કંપનીનો પર્દાફાશ કર્યો છે. દરોડા દરમિયાન, પોલીસને ઘણી જાણીતી કંપનીઓના નકલી ઘી બનાવતી વસ્તુઓ અને પેકેટ મળી આવ્યા હતા.

રાષ્ટ્રીય રાજધાની દિલ્હીમાં પોલીસ અને ફૂડ સેફ્ટી વિભાગની ટીમે મોટી કાર્યવાહી કરી છે. આ કાર્યવાહીમાં પોલીસે નકલી દેશી ઘી બનાવવાની ફેક્ટરીનો પર્દાફાશ કર્યો છે. દરોડા દરમિયાન, ટીમે અમૂલ, મધર ડેરી અને પતંજલિ જેવી પ્રખ્યાત બ્રાન્ડના ઘણા નકલી પેકેટ પણ જપ્ત કર્યા હતા. આ બાબતે માહિતી આપતાં એક અધિકારીએ જણાવ્યું હતું કે રાઇટ્સ હોલ્ડિંગ કંપનીઓ તરફથી ઘણી ફરિયાદો મળી હતી. જે બાદ DIU (ડિસ્ટ્રિક્ટ ઇન્વેસ્ટિગેશન યુનિટ) અને દ્વારકા જિલ્લાના વિજિલન્સ યુનિટને કોપીરાઇટ અને ટ્રેડમાર્કની તપાસની જવાબદારી સોંપવામાં આવી હતી.

પોલીસ કમિશનર એમ. હર્ષ વર્ધને જણાવ્યું હતું કે, “19 નવેમ્બરના રોજ, DIU અને દ્વારકાની વિજિલન્સની સંયુક્ત ટીમે દિચાઉં કલાંમાં દરોડો પાડ્યો હતો. દરોડા દરમિયાન એક ફેક્ટરીમાં નકલી ઘી બનાવવાનું અને પેકીંગ કરવાનું કામ ચાલી રહ્યું હતું.

આપને જણાવી દઈએ કે દરોડા દરમિયાન ઘણી જાણીતી કંપનીઓના વનસ્પતિ ઘી સાથેનો એક એલ્યુમિનિયમ ટબ, જેમાં ઘી જેવા પદાર્થ, ઈલેક્ટ્રોનિક વેઈંગ મશીન, લાઈટ સ્ટોવ અને મધર ડેરી, અમૂલ, મિલ્કફૂડ, નક્સ ડેરી વગેરેના ટેટ્રા પેક મળી આવ્યા છે. આ ફેક્ટરીમાં બે કર્મચારીઓ અને એક સગીર હાજર મળી આવ્યા હતા, જેમણે જણાવ્યું હતું કે ફેક્ટરી સુમિત નામના શખ્સની છે, જે ઉમેદ સિંહના નામના એક શખ્સના ભત્રીજા છે. કામદારોને સંબંધિત બ્રાન્ડ્સના અધિકૃતતા પત્રો વિશે પૂછવામાં આવ્યું હતું પરંતુ તેઓએ આ બાબતે કોઈ માહિતી આપી શક્યા નહોતા.