Ghaziabad: ગાઝિયાબાદમાં એસીમાં બ્લાસ્ટ, બે માળ આગની ચપેટમાં

• ગાઝિયાબાદમાં એસીમાં બ્લાસ્ટ
  
• બે માળ સુધી પહોંચી આગ
• સદનસીબે જાનહાનિ નહી

ગરમી કહેર વર્તાવી રહી છે. કાળઝાળ ગરમીથી રાહત મેળવવા આપણે એસીનો વપરાશ કરીએ છીએ. અત્યારે તો મોટા ભાગે તમામ લોકોના ઘરે એસી જોવા મળે છે. પરંતુ આકરી ગરમીમાં એસી પણ બેસ્ટ ચોઇસ ન હોવાનું કહી શકાય. કારણ કે એસી પણ બ્લાસ્ટની ઘટનાઓ સામે આવે છે.

એસીમાં થયો બ્લાસ્ટ

બુધવારે ગાઝિયાબાદના પોશ વિસ્તારમાં AC ફાટવાના સમાચાર પણ આવ્યા હતા. જ્યાં AC ફાટ્યા બાદ આગની જ્વાળાઓ ઘરના પહેલા અને બીજા માળ સુધી પહોંચી હતી. ફાયર બ્રિગેડની અનેક ગાડીઓ ઘટના સ્થળે પહોંચી સમયસર આગ પર કાબુ મેળવ્યો હતો.

કોઇ જાનહાનિ નહી

મળતી માહિતી મુજબ ગાઝિયાબાદના પોશ વિસ્તાર વસુંધરાના સેક્ટર-1માં સોસાયટીના મકાનમાં એસીમાં બ્લાસ્ટ થયો હતો જેના કારણે બિલ્ડિંગમાં ભીષણ આગ ફાટી નીકળી હતી. આગ એટલી પ્રચંડ હતી કે બે માળ આગની ચપેટમાં આવી ગયા હતા. ફાયર બ્રિગેડની અનેક ગાડીઓ ઘટના સ્થળે પહોંચી આગને કાબુમાં લીધી હતી. સુરક્ષાના કારણોસર એલપીજી કનેક્શન પણ કાપી નાખવામાં આવ્યું હતું. આ ઘટનામાં કોઈને ઈજા થવાના સમાચાર નથી.