- જ્ઞાનવાપીમાં ચાલી રહેલા ASI સર્વેની આજની કામગીરી પૂર્ણ કરવામાં આવી
- આજના કાર્યનું દસ્તાવેજીકરણ કરાયુ
- મુસ્લિમ પક્ષે અલ્હાબાદ હાઈકોર્ટના નિર્ણય સામે સુપ્રીમ કોર્ટનો સંપર્ક કર્યો છે,
વર્ષ 2021 માં, પાંચ મહિલાઓએ વારાણસીના સિવિલ જજની સામે એક અરજી દાખલ કરી, જેમાં દરરોજ મસ્જિદની બાજુમાં સ્થિત શ્રૃંગાર ગૌરીની પૂજા અને મુલાકાત લેવાની પરવાનગી માંગવામાં આવી. જ્ઞાનવાપી સર્વેમાં આજે હિન્દુ ધર્મના પ્રતીકો એકત્રિત કરવામાં આવ્યા હતા જ્ઞાનવાપીના પ્રથમ દિવસના સર્વેમાં ASIની ટીમે હિંદુ ધાર્મિક ચિહ્નો એકત્ર કરી એક જગ્યાએ સંગ્રહ કર્યા હતા. હિંદુ સંભારણુંઓની ફોટોગ્રાફી અને વિડિયોગ્રાફી કરવામાં આવી હતી. સર્વે માટે ASIની 51 સભ્યોની ટીમને જ્ઞાનવાપી ખાતે ચાર ભાગમાં વહેંચવામાં આવી હતી.
આજે સર્વેની કામગીરી પૂર્ણ થઈ
જ્ઞાનવાપીમાં ચાલી રહેલા ASI સર્વેની આજની કામગીરી પૂર્ણ કરવામાં આવી છે. આજના કાર્યનું દસ્તાવેજીકરણ આ સમયે કરવામાં આવી રહ્યું છે, જેમાં લગભગ 15 મિનિટનો સમય લાગી શકે છે. આ પછી ટીમ બહાર આવશે.
સુપ્રીમ કોર્ટના નિર્ણય પર સૌની નજર છે
મુસ્લિમ પક્ષે અલ્હાબાદ હાઈકોર્ટના નિર્ણય સામે સુપ્રીમ કોર્ટનો સંપર્ક કર્યો છે, જેની સુનાવણી આજે થવાની છે. તમામની નજર સુપ્રીમ કોર્ટમાં થનારી સુનાવણી પર ટકેલી છે. મસ્જિદ પરિસરમાં હાજર લોકો પણ સુપ્રીમ કોર્ટના નિર્ણયની રાહ જોઈ રહ્યા છે.
જ્ઞાનવાપીના દરેક 300 મીટરના અંતરે વજ્ર વાહનો રખાયા
સર્વેને કારણે જ્ઞાનવાપીના દરેક 300 મીટરના અંતરે વજ્ર વાહનો લગાવવામાં આવ્યા હતા અને કાશી વિશ્વનાથ મંદિરના તમામ દરવાજાઓ પર આરએએફના જવાનોને તૈનાત કરવામાં આવ્યા છે. એટીએસ કમાન્ડોએ મોરચો સંભાળ્યો હતો.
અલ્હાબાદ હાઈકોર્ટના નિર્ણય સામે મુસ્લિમ પક્ષની SLP
જ્ઞાનવાપી કેસમાં અલ્હાબાદ હાઈકોર્ટના નિર્ણય સામે મુસ્લિમ પક્ષની SLP (સ્પેશિયલ લીવ પિટિશન) સુપ્રીમ કોર્ટમાં દાખલ કરવામાં આવી છે. જ્ઞાનવાપી સર્વે ચાલુ રાખવાના આદેશને પડકારતી મુસ્લિમ પક્ષની અરજીમાં એએસઆઈ ત્યાં ખોદકામનું કામ કરે તેવી આશંકા વ્યક્ત કરવામાં આવી છે. સુપ્રીમ કોર્ટ આજે જ્ઞાનવાપી કેસની સુનાવણી અંગે દાખલ કરવામાં આવેલી અરજીઓ પર સુનાવણી કરશે.
