Hathras બન્યું રક્તરંજીશ..! દોડધામમાં 121 લોકો કચડાયા..? SITના રિપોર્ટમાં થયો મોટો ખુલાસો

• હાથરસ દુર્ઘટનામાં SITએ પોતાનો રિપોર્ટ દાખલ
  
• નાસભાગને બેદરકારી અને ગેરવહીવટનું પરિણામ ગણાવ્યું
• કાર્યક્રમની પરવાનગી લેતા સમયે આયોજક સમિતિની શું થઇ ભૂલ?

હાથરસ દુર્ઘટનામાં SITએ પોતાનો રિપોર્ટ દાખલ કર્યો છે. જેમાં નાસભાગને બેદરકારી અને ગેરવહીવટનું પરિણામ ગણાવ્યું છે. સ્થાનિક અધિકારીઓએ ઘટનાસ્થળે જઈને પરિસ્થિતિનો તાગ મેળવ્યો ન હોવાનું પણ સામે આવ્યું છે. વહીવટીતંત્ર પાસે પહેલેથી જ મંજૂરી કરતાં વધુ ભીડ આવવાની માહિતી હતી.

કાર્યક્રમની પરવાનગી લેતા સમયે આયોજક સમિતિની શું થઇ ભૂલ?

મળતી માહિતી મુજબ, હાથરસ અકસ્માતમાં SITએ પોતાનો રિપોર્ટ દાખલ કર્યો છે. જેમાં બાબા સૂરજપાલ ઉર્ફે ભોલે બાબાના સત્સંગમાં ફાટી નીકળેલી નાસભાગને બેદરકારી અને ગેરવહીવટનું પરિણામ ગણાવ્યું છે. કાર્યક્રમની પરવાનગી લેતી વખતે આયોજક સમિતિએ તેના સ્તરે તમામ વ્યવસ્થા પૂર્ણ કરવાની ખાતરી આપી હતી. રોડ પર આવી રહેલી ભીડને કાબૂમાં લેવા માટે પોલીસ પ્રશાસનની મદદ લેવામાં આવી હતી.

SITએ પોતાના રિપોર્ટમાં કહ્યું છે કે પરવાનગીના સમયગાળા દરમિયાન LIU રિપોર્ટમાં બાબાના સત્સંગમાં સેવાદાર દ્વારા સમગ્ર વ્યવસ્થા કરવામાં આવી હોવાનો ઉલ્લેખ કરવામાં આવ્યો હતો. મોટી સંખ્યામાં સત્સંગમાં આવેલા લોકોમાં મોટાભાગે નવા લોકો હતા જેઓ બાબાના દર્શન કરવા ઉમટી પડ્યા હતા. જેના કારણે ભીડ કાબૂ બહાર ગઈ હતી.

અધિકારીઓ પરિસ્થિતિનું મૂલ્યાંકન કરવામાં નિષ્ફળ!

સ્થાનિક અધિકારીઓએ ઘટનાસ્થળે જઈને પરિસ્થિતિનો તાગ મેળવ્યો ન હોવાનું પણ સામે આવ્યું છે. વહીવટીતંત્ર પાસે પહેલેથી જ મંજૂરી કરતાં વધુ ભીડ આવવાની માહિતી હતી. બાબાનો સત્સંગ શરૂ થયો અને ભીડ આવતી રહી. તેમ છતાં સ્થળ પર હાજર અધિકારીઓ પરિસ્થિતિનું મૂલ્યાંકન કરવામાં નિષ્ફળ રહ્યા હતા.

SITએ પોતાના રિપોર્ટમાં કહ્યું છે કે સ્થળ પર તૈનાત ફોર્સમાં સત્સંગની બહાર માત્ર થોડા પોલીસકર્મીઓ તૈનાત હતા. હાઇવે જામ ન થાય તે માટે મોટાભાગની ફોર્સ રસ્તા પર ભીડ નિયંત્રણ અને ટ્રાફિક વ્યવસ્થાપનમાં રોકાયેલી હતી. SITએ પોતાના રિપોર્ટમાં પરવાનગીની શરતોના ઉલ્લંઘન માટે તથ્યો છુપાવવા માટે આયોજન સમિતિના લોકોને જવાબદાર ઠેરવ્યા છે.