Hemant Soren Released: 5 મહિના બાદ જેલમાંથી બહાર આવ્યા હેમંત સોરેન

• ઝારખંડ હાઇકોર્ટમાં મળ્યા જામીન
  
• 5 મહિના બાદ જેલમાંથી બહાર આવ્યા હેમંત સોરેન
• 31 જાન્યુઆરીએ થઇ હતી ધરપકડ

ઝારખંડના પૂર્વ મુખ્યમંત્રી અને JMMના નેતા હેમંત સોરેન 5 મહિના બાદ રાંચીની બિરસા મુંડા જેલમાંથી મુક્ત થયા છે. જમીન કૌભાંડ કેસમાં આ વર્ષે 31 જાન્યુઆરીએ એન્ફોર્સમેન્ટ ડિરેક્ટોરેટ એટલે કે ED દ્વારા સોરેનની ધરપકડ કરવામાં આવી હતી. હવે ઝારખંડ હાઈકોર્ટમાંથી જામીન મળ્યા બાદ મુક્ત કરવા આવ્યા છે. 

સમર્થકોનું ઝિલ્યુ અભિવાદન

જેલમાંથી બહાર આવ્યા બાદ સોરેને ત્યાં હાજર પોતાના સમર્થકોનું હાથ જોડીને સ્વાગત કર્યું હતું. તેમની મુક્તિ સમયે તેમના પત્ની કલ્પના સોરેન રાંચી જેલની બહાર હાજર હતા 

મહત્વનું છે કે 31 જાન્યુઆરીએ હેમંત સોરેનની ધરપકડ કરવામાં આવી હતી. જે બાદ હેમંત સોરેને મુખ્યમંત્રી પદ પરથી રાજીનામું આપી દીધું હતું. જેલવાસ બાદ ચંપાઈ સોરેનને રાજ્યના નવા મુખ્યમંત્રી બનાવવામાં આવ્યા હતા. 

શું કહ્યુ વકીલે ?

ઝારખંડ મુક્તિ મોરચા (જેએમએમ)ના કાર્યકારી પ્રમુખ સોરેન સોરેનના વરિષ્ઠ વકીલ અરુણાભ ચૌધરીએ જણાવ્યું હતું કે પૂર્વ મુખ્યમંત્રીને જામીન મળી ગયા છે. કોર્ટે કહ્યું છે કે પ્રથમ દૃષ્ટિએ, તે દોષિત નથી અને જામીન પર બહાર હોય ત્યારે અરજદારે કોઈ ગુનો કર્યો હોવાની કોઈ શક્યતા નથી.