Himachal Pradesh Snowfall: હવામાન વિભાગે ઓરેન્જ એલર્ટ કર્યુ જાહેર

હવામાન વિભાગે હિમાચલ પ્રદેશમાં હિમવર્ષા માટે ઓરેન્જ એલર્ટ જારી કર્યું છે. વિભાગના જણાવ્યા અનુસાર, 21 ફેબ્રુઆરીએ પણ લાહૌલ સ્પીતિ અને કિન્નૌર જિલ્લાઓ અને કાંગડા, ચંબા, શિમલા, કુલ્લુ, મંડી અને સિરમૌરના ઊંચા વિસ્તારોમાં હળવીથી મધ્યમ હિમવર્ષા થઈ શકે છે. ફરી એકવાર પર્વતોમાં હવામાન બદલાયું છે. હવામાન વિભાગના જણાવ્યા અનુસાર, વેસ્ટર્ન ડિસ્ટર્બન્સ સક્રિય થયુ છે.

વરસાદ અને હિમવર્ષાનો તબક્કો શરૂ

હિમાચલ પ્રદેશમાં ઘણા સ્થળે બરફ પડી રહ્યો છે. શિમલાના નારકંડા ફાગુ સહિત રાજ્યના ઉપરના વિસ્તારોમાં મોડી રાતથી હિમવર્ષા થઈ રહી છે. હવામાન વિભાગ પાસેથી મળેલી માહિતી અનુસાર, નારકંડામાં લગભગ 3 ઇંચ બરફ પડ્યો છે. જેના કારણે વાહનોની અવરજવર સંપૂર્ણપણે બંધ થઈ છે. પરિવહન નિગમની બસો નારકંડામાં જ રોકાઈ ગઈ છે. રસ્તાઓ ખૂબ જ લપસણા બની ગયા છે. કુફરી ફાગુમાં બરફ પડી રહ્યો છે. હિમવર્ષાને કારણે લોકોને ઘણી મુશ્કેલીઓનો સામનો કરવો પડી રહ્યો છે. હવામાન વિભાગ પાસેથી મળેલી માહિતી મુજબ, શિમલા શહેરમાં સવારથી જ વરસાદ પડી રહ્યો છે. વરસાદ અને હિમવર્ષાને કારણે તાપમાનમાં નોંધપાત્ર ઘટાડો થયો છે, જેના કારણે ઠંડીમાં પણ વધારો થયો છે.

વરસાદ અને હિમવર્ષા અંગે ચેતવણી

હવામાન વિભાગે આગામી 24 કલાક માટે રાજ્યભરમાં વરસાદ અને હિમવર્ષા અંગે ચેતવણી જાહેર કરી છે. આગામી 3 કલાકમાં બિલાસપુર, સોલન, સિરમૌર, મંડી, શિમલા, કાંગડામાં ભારે વરસાદની ચેતવણી જારી કરવામાં આવી છે. કુફરીમાં હિમવર્ષા જોઈને પ્રવાસીઓમાં ખુશીની લહેર છવાઈ ગઈ છે. કેટલાક પ્રવાસીઓ કહે છે કે તેઓ દૂર દૂરથી અહીં ફરવા આવ્યા હતા અને તેમને બરફ જોવાની અપેક્ષા નહોતી, પરંતુ સવારે અહીં બરફવર્ષા જોયા પછી, તેમની ખુશીનો કોઈ પાર નથી.

ઓરેન્જ એલર્ટ જારી

હિમવર્ષાને કારણે, નારકંડા અને કુફરીના ટેકરીઓ સફેદ ચાદરથી ઢંકાયેલા જોવા મળે છે. ઘરો, ઝાડ અને છોડ પર બધે બરફ દેખાય છે. હવામાન વિભાગના જણાવ્યા અનુસાર, 21 ફેબ્રુઆરીએ પણ લાહૌલ સ્પીતિ અને કિન્નૌર જિલ્લાઓ અને કાંગડા, ચંબા, શિમલા, કુલ્લુ, મંડી અને સિરમૌરના ઊંચા વિસ્તારોમાં હળવીથી મધ્યમ હિમવર્ષા થઈ શકે છે. તે જ સમયે, વિભાગે 20 ફેબ્રુઆરી એટલે કે આજે ચંબા, કાંગડા, કુલ્લુ અને મંડી જિલ્લામાં હિમવર્ષા અને વરસાદ માટે ઓરેન્જ એલર્ટ જાહેર કરાયુ છે.